Saýda-ekonomıkalyq baılanystar, múshe memleketter arasyndaǵy saýda qatynastaryn ulǵaıtý, ishki naryqqa kedergi jasaıtyn jaıttardy, sondaı-aq ekonomıkanyń jekelegen salalarynda ıntegrasııalyq áleýetti damytý da búgingi otyrystyń kún tártibinde. Úkimetaralyq keńes otyrysy sonymen qatar birneshe jyldar boıy qarastyrylyp kele jatqan keme isi boıynsha Kelisimderdi de nazarda ustap otyr. EAEO týraly kelisim-shartqa sáıkes ázirlengen Kelisim aıasynda biryńǵaı kólik keńistigin qalyptastyrý, ishki sý kóligi salasyndaǵy ortaq kólik qyzmeti naryǵyn qurý máselesi qamtylǵan.
Úkimet basshylary Eýrazııalyq úkimetaralyq otyrystyń aldyńǵy kezdesýlerinde qarastyrylǵan máselelerge de oralatyn bolady. Naqty aıtqanda, EAEO aýmaǵyna jekelegen taýarlardy tasymaldaý boıynsha jeńildikterdi boldyrmaýǵa baılanysty kelisimdi daıyndaý jónindegi Eýrazııalyq ekonomıkalyq komıssııanyń aqparaty tyńdalatyn bolady.
Elvıra Serikqyzy,
«Eqemen Qazaqstan»
ALMATY
