Forýmnyń maqsaty — ınnovasııalyq ekojúıe máseleleri boıynsha bilimmen jáne tájirıbemen almasý úshin bir qurylym aıasynda EAEO-ǵa múshe memleketterdiń qyzmetterin biriktirý arqyly Eýrazııa aımaǵynyń áleýetin ashý. Bul alań Eýrazııalyq ekonomıkalyq odaqtyń 2025 jylǵa deıingi sıfrlyq kún tártibin iske asyrýdy kózdeıtin mańyzdy birlesken qadam retinde qaralady. Sharaǵa barlyǵy 800-den astam halyqaralyq sarapshy, EEK, BUU, EAEO elderiniń, elshilikterdiń ókilderi qatysty.
Plenarlyq sessııaǵa Belarýs Respýblıkasynyń Premer-Mınıstri — S. Rýmas, Qyrǵyz Respýblıkasynyń Premer-Mınıstri — M. Abylgazıev, Reseı Federasııasynyń Premer-Mınıstri — D. Medvedev, Armenııa Respýblıkasynyń vıse-Premer-Mınıstri M. Grıgorıan jáne Eýrazııalyq ekonomıkalyq komıssııa Alqasynyń tóraǵasy T. Sarkısıan qatysty. Budan ózge, pikirtalastarǵa sıfrlyq ınnovasııalar salasyndaǵy halyqaralyq sarapshylar: sıfrlyq ekonomıkany transformasııalaý jónindegi keńesshi, Malaızııa sıfrlyq ekonomıka korporasııasynyń burynǵy SEO Iаsmın Mahmýd, Big Innovation Centre bas dırektory Bırgıtta Andersen, LINAGORA negizin salýshy Aleksandr Zapolskıı, Tlabs CEO, Singularity University ekonomıka jáne qarjy fakýltetiniń basshysy Amın Týfanı qatysty.
Sessııa barysynda EAEO sıfrlyq kún tártibin iske asyrý jáne ınnovasııalyq ekojúıeni damytý úshin, sonyń ishinde Odaqqa múshe memleketterdiń tehnoparkterin biriktirý men jańa sıfrlyq jobalardy iske qosý arqyly kúsh-jigerdi odan ári biriktirý máseleleri talqylandy. Shara qatysýshylary zamanaýı sıfrlyq ekonomıkany qurý salasyndaǵy eldik tájirıbelermen bólisti. Innovasııalar elderge básekege qabiletti, ózgeristerge beıimdelgen bolýǵa jáne ómirdiń joǵary deńgeıin qamtamasyz etýge múmkindik beretini atalyp ótti. Osylaısha, ınnovasııalar búginde kásipkerlikti damytýǵa, bıznesti ósirýge jáne jańa jumys oryndaryn qurýǵa negiz bolady, sondaı-aq densaýlyq saqtaý, ekologııa, energetıka jáne azyq-túlik qaýipsizdigi salalaryndaǵy problemalardy sheshýge kómektesedi.
Baqytjan Saǵyntaev óz sózinde barlyq ınnovasııalar men tehnologııalardyń basty maqsaty adamdardyń ómirin jaqsartý, olardyń jumysy men ósýine qolaıly jaǵdaılar jasaý ekenin atap ótti. Qazirgi tańda Qazaqstanda memlekettik qyzmetterdiń 60% elektrondy úkimet portaly arqyly usynylady, bıyl atalǵan kórsetkishti 80% jetkizý mindeti tur. Buǵan qosa eGov-tan mGov-qa (mobıldi úkimet) kóshý jumystary júrgizilip jatyr.
Qazaqstanda ınnovasııalyq kásipkerlikti damytýǵa arnalǵan Astana Hub halyqaralyq tehnologııalyq parki jumys isteıdi. Búgingi tańda Hub 100% tolǵan. Sonymen qatar, ınnovasııalyq salanyń myqty oıynshylaryn odan ári tartý jumystary júrgizilip jatyr. Astana Hub qatysýshylary úshin talanttardyń basyn qosyp, básekelestikti damytý maqsatynda barlyq qajetti jaǵdaılar jasalǵan: jeńildetilgen vıza jáne eńbek rejımderi, arendalyq turǵyn úı berý, granttyq qarjylandyrý quraldary. Budan ózge, EAEO ishinde básekelestikti damytý startap jobalardyń sapasyn arttyrýǵa múmkindik beretini atalyp ótti.
Buǵan qosa, ınnovasııalyq ekojúıeni quryp, talanttardy damytý úshin Qazaqstannyń bilim berý júıesinde, sonyń ishinde orta, kásibı jáne joǵary bilim berý salasynda birqatar reformalar júrgizildi. Máselen, Astanada mamandandyrylǵan AT-ýnıversıtet ashý kózdelgen, onyń jumysy Astana Hub qyzmetimen tikeleı baılanysty bolmaq. Ǵylymı qyzmetti qoldaý boıynsha jekelegen jumystar júrgizilip jatyr. Jalpy, Elbasy N. Nazarbaev ótken jyldyń qazan aıynda 5 jyl ishinde bilim, ǵylym, densaýlyq saqtaý salalaryn qarjylandyrý deńgeıin JIО́ 10% deıin jetkizý týraly mindet qoıdy, sonymen qatar JIО́-de ǵylymı-zertteý jáne tájirıbelik-konstrýktorlyq jumystarǵa (ǴZTKJ) jumsalatyn shyǵyndardy 2025 jylǵa deıin 1% jetkizýdi tapsyrdy.
Plenarlyq sessııa qorytyndysy boıynsha sıfrlyq qoltańbany paıdalana otyryp, Astana Hub (Qazaqstan), «Skolkovo» (Reseı), «Kásiporyndar ınkýbatory» (Armenııa), «Joǵary tehnologııalar parki» (Qyrǵyzstan) tehnoparkteri arasynda О́zara túsinistik pen yntymaqtastyq týraly memorandýmǵa qol qoıý rásimi ótti.
Forým jumysy «EAEO sıfrlyq kún tártibi», «Turaqty damý maqsattaryna qol jetkizýdegi sıfrlandyrý (BUU)», «Innovasııalyq ekojúıedegi sıfrlandyrý», «Indýstrııa 4.0 – ınnovasııalyq ekojúıe tutynýshysy», «Shaǵyn jáne orta bıznesti sıfrlandyrý» taqyryptaryndaǵy paneldik sessııalarmen jalǵasty.
