Sondaı-aq, 2018 jyly Qaraǵandy jáne Soltústik Qazaqstan oblystarynyń tóleýshileri úshin pılottyq rejımde kólik quraldaryna arnalǵan salyǵy boıynsha aldaǵy tólemderi týraly jańa qyzmet iske qosyldy. Bul qyzmet E.gov portalynda jáne MKK portalynda jeke tulǵalar úshin júzege asyrylady, sondaı-aq bıyl ol bank júıelerimen biriktiriletin bolady. Qyzmet aldaǵy salyq somasyn ony tóleý ýaqyty bastalǵanǵa deıin bilýge, sondaı-aq daıyn derektemeler boıynsha elektrondy qyzmetter arqyly salyqty tóleýge múmkindik beredi. Pılottyq jobany júrgizý nátıjesi sátti bolǵan jaǵdaıda, qyzmet búkil el boıynsha jeke tulǵalardyń barlyq salyqtary boıynsha tırajdalatyn bolady.
2019 jyldyń tamyz-jeltoqsan aılarynda Qazaqstannyń barlyq aýmaǵynda jeke tulǵalardyń salyqtary boıynsha aldaǵy tólemder týraly sms-taratýdy, sáýir men qazan aılarynda bereshekter týraly mátindi habardar etý týraly sms-taratýdy iske qosý josparlanýda.
Osylaısha, salyq tóleýshilerge shekaradan shyqqanǵa deıin beresheginiń bar ekeni týraly aldyn ala bilýine múmkindik beriledi. Alaıda, bul olardyń tarapynan tóleýge kepildik bermeıdi.
Mundaı jaǵdaılarda termınaldar men mobıldi qosymshalar arqyly naqty ýaqyt rejıminde bereshegin tóleýge bolady. Iаǵnı, tólegennen keıin birneshe mınýt ishinde bereshektiń ótelgeni týraly ózekti málimeti alýǵa bolady.
Osy maqsatta biz elektrondyq úkimettiń tólem shlıýzi (EÚTSh) arqyly banktermen biriktirýdi júrgizdik. Banktermen tikeleı ózara is-qımyl jasaý tólemder týraly aqparattardy alý ýaqytyn birneshe mınýtqa deıin qysqartýǵa múmkindik berdi. Buryn aqparat 2-3 kún ishinde Qazynashylyq komıtetinen kelip túsetin.
Mysaly, biz Kaspi.kz mobıldi qosymshasynyń klıentteri shamamen 6 mıllıon jeke tulǵa Kaspıı bankimen, Homebank mobıldi qosymshasyn paıdalanýshylary shamamen 5 mıllıon jeke tulǵa Halyq bankimen biriktik.
Bıyl biz bereshekterge qyzmet kórsetý, aldaǵy tólemder jáne salyq tóleý boıynsha basqa banktermen jáne bıznes-uıymdarmen ıntegrasııa boıynsha jumysty jalǵastyramyz.
Anyqtama úshin: Eger salyqtyq bereshegi 20 AEK-ten (50 500 teńge) assa, Qazaqstanda shetelge shyǵý shektelgen.
