- №2 oblystyq aýrýhanada 111 bala emdeldi. Qazir 30 bala aýrýhanada em alýda. Olardyń jaǵdaılary turaqty. Jalpy alǵanda, ımmýndy fermentti zerthana arqyly qyzylshanyń 54 jaǵdaıy rastaldy. – deıdi Uljan Muhtarova. – Aýrý kórsetkishi tómendegenin atap ótkim keledi. Qyzylshanyń aýyr jaǵdaılary baıqalmaıdy. Negizinde, ýaqtyly vaksınasııadan ótpegen balalar zardap shegedi. Bul juqpaly aýrýlar sanynyń ósý sebepteriniń biri.
Qyzylshanyń joǵary deńgeıi balalardyń 90% -nyń qyzylshaǵa qarsy vaksına almaýyna baılanysty. Týa bitken ımmýnıtet balalarǵa berilmeıdi jáne olar juqpaly aýrýǵa asa sezimtal boldy. Statıstıka boıynsha, oblysta 30 jasqa deıingi 8 myńnan astam adam egilgen joq.
Sondaı-aq qyzylshamen aýyratyn balalardyń 90% -y egý jasyna jete almaǵan balalar. Ádette, vaksınasııa 1 jastaǵy nemese 6 jastaǵy balalarǵa beriledi.
- Ata-analardyń óz balalaryna vaksınasııadan bas tartýy jaǵdaıdy da qıyndatady. Dıfterııa, skarlatınanyń aýrýlary oqshaýlanyp tur. Baqytymyzǵa oraı, bizdiń oblysta osyndaı aýrýlar joq. Sondyqtan biz barlyq ata-analardy vaksınasııadan bas tartpaýǵa shaqyramyz », - deıdi Uljan Muhtarova.
Oblystyq densaýlyq saqtaý basqarmasynyń bólim basshysy Gúlnar Tanbaevanyń aıtýynsha, sońǵy derekter boıynsha 6 jasqa deıingi 4144 bala vaksınasııadan bas tartqan.
- Taldaý júrgizildi. Medısınalyq sebepter boıynsha vaksınasııadan ótpegender bar, biraq kóbinese ózderi bas tartady. Bıyl biz 31 450 adamǵa vaksınasııalaýymyz kerek,- deıdi Gúlnar Tanbaeva . – Birinshi toqsanda 4,7 myń adamdy egý josparlanǵan. Bul jumys júrgizildi. Aýrýlardyń artýyna baılanysty biz qosymsha 7000 doza vaksına satyp alýǵa ótinim jasadyq.
Dárigerlerdiń aıtýynsha, adamdar vaksınalardy qabyldaýdyń mańyzdylyǵyn túsinip keledi. Bul júrgizip otyrǵan aldyn-alý jumystary nátıjesin beretindigin kórsetedi.
Baqytgúl BABASh,
«Egemen Qazaqstan»
Atyraý
