Sońǵy eki jylda dárihanalardan qajetti dári-dármekter, sıtoprotektorlar men qysymdy qalypqa keltirý preparattaryn tabý múmkin emes.
Roza Materano esimdi turǵyn búırek aýrýynan qatty zardap shegedi. Biraq ol ózgelerge qaraǵanda jolynyń bolǵanyn aıtady, sebebi onyń aýrýhanadaǵy tanystarynyń kópshiligi dúnıeden ótken:
«Men ne isteıtinimizdi bilmeımin. О́ıtkeni bizdiń ómir súrgimiz keledi. Biraq qazirgi jaǵdaıda tiri qalýymyz ekitalaı» - deıdi ol.
Dárigerler de jalaqyny kóterip, aýrýhananyń jabdyqtaryn jaqsartýdy talap etip otyr. Tamaqtaný úshin bir emdelýshige kúnine bir tandyr nan ǵana beriledi. Dárigerler eldegi jalpy daǵdarys jaǵdaıynda naýqastar arasyndaǵy ólim-jitimniń artqanyn aıtady. Ásirese balalar arasyndaǵy ólim-jitimniń ósýi erekshe alańdaýshylyq týdyrady.
«Qazir qajetti azyq-túlik, medısınalyq quraldar jáne dári-dármektiń 90%- y tapshy. Kóptegen laboratorııalyq taldaýlar endi júrgizilmeıdi. Qazir olardy elimizdegi klınıkalardyń 10%-y ǵana jasaıdy. Biz ózimizdi qol-aıaǵy baılaýly adamdaı dármensiz sezinemiz», - dedi Hose Marııa Vargas atyndaǵy aýrýhana dárigeri Kalos Prosperı.
