Qazaqstan • 06 Aqpan, 2019

«Sybaǵa» baǵdarlamasy boıynsha qarjylandyrý jalǵasyn taýyp jatyr

4489 ret kórsetildi

Aýyl sharýashylyǵyn qarjylaı qoldaý qory «Sybaǵa» baǵdarlamasy boıynsha nesıeleý ótinishterin qabyldaýdy jalǵastyryp jatyr. Qańtar aıynda Qor jalpy somasy 1,3 mlrd. teńgege 1,2 myń bas iri qara mal men 3,2 myń bas mal satyp alýǵa 42 nesıe berdi.

О́tken jyly Aýyl sharýashylyǵy mınıstrligi mal sharýashylyǵynyń sapalyq sıpattamalaryn ósirý jáne jetildirý, qazaqstandyq et eksportyn ulǵaıtýdy kózdeıtin Mal sharýashylyǵyn damytý boıynsha salalyq baǵdarlamasyn ázirledi. Qarjy operatorlarynyń biri - «Sybaǵa» baǵdarlamasyn iske asyratyn «Aýyl sharýashylyǵyn qarjylaı qoldaý qory» AQ bolyp tabylady.

Baǵdarlama sharttaryna sáıkes, nesıeler asyl tuqymdy iri qara mal basy men usaq múıizdi mal basyn satyp alýǵa, negizgi quraldardy satyp alýǵa jáne aınalymdyq qarajatty tolyqtyrýǵa beriledi. Iаǵnı, malmen qatar, fermerler mashına-traktor parkin jańartyp, qajetti jabdyqtardy, mal azyǵyn satyp alýǵa múmkindik alady.

Osylaısha, Memleket basshysynyń mal sharýashylyǵyn jandandyrý, eńbek ónimdiligin arttyrý jáne qaıta óńdeý ónimderiniń eksporttyq kólemin bes jyl ishinde 2,5 esege arttyrý mindeti oryndalýda.

- О́tken jyly Aýyl sharýashylyǵyn qarjylaı qoldaý qory 15,6 mlrd. teńge kóleminde 679 ótinimdi qarjylandyrdy, deıdi «Aýyl sharýashylyǵyn qarjylaı qoldaý qory» AQ nesıe departamentiniń dırektory Gerrard Baal.  Bólingen qarajat 23,8 myń bas asyl tuqymdy iri qara men 75,4 myń bas usaq mal basyn satyp alýǵa jumsaldy. Búgingi kúni qazaqstandyq sharýashylyqtarǵa shet elderden 9,3 myń bas iri qara mal jetkizildi.

Mysaly, Batys Qazaqstan oblysynda ornalasqan «Arǵymaq» sharýa qojalyǵy RF Tambov oblysynda 60 sımmental tuqymdy sıyr satyp aldy. Buǵan deıin sharýashylyqta 100 jylqy jáne edilbaı tuqymynyń 700-ge jýyq qoıy bolǵan. Biraq sharýashylyq basshylary tıimdi mal sharýashylyǵyn keńeıtýge nazar aýdardy. Jazǵa qaraı alǵashqy tól kútilýde.

Aqmola oblysyndaǵy «El-Han» sharýa qojalyǵy Býlandy aýdanyna 100 angýs sıyryn ákeldi. Olardyń 60-y, sondaı-aq jańa «Belarýs» markaly traktordy satyp alý Qor arqyly qarjylandyryldy. Aıta ketý kerek, bul mal «Terra» JShS-nen satyp alynǵan. Atalǵan mal bordaqylaý alańy AQSh-tan amerıkandyq angýstardy ákelip, olardan sapaly jas tól aldy. Jáne qazir asyl tuqymdy maldy jergilikti sharýashylyqtarǵa satýda. Shetelde mal basyn satyp alǵan sharýashylyqtar memleketten sýbsıdııa alady árbir satyp alynǵan mal basyna 225 myń teńgeden, - deıdi departament dırektory G.Baal.

Sonymen qatar, memleket paıyzdyq mólsherlemeni jyldyq 14-ten 4 paıyzǵa deıin tómendetedi. Memleket tarapynan qoldaýdyń taǵy bir tetigi – sharýashylyqtarǵa buqalardy bordaqylaý alańyna tapsyrǵan kezde tiri salmaǵynyń ár kılogrammyna 200 teńgeden sýbsıdııa tólenedi. «Sybaǵa» baǵdarlamasynyń taǵy bir mańyzdy ereksheligi – kepildikke nesıe qarjysyna satyp alynatyn iri qara mal alynady (kepildik somasynyń 75%-na deıin).

Búgingi tańda Qor «Sybaǵa» baǵdarlamasy boıynsha ótinimderdi qabyldaýdy jalǵastyrady. Nesıeler 70 mln. teńgege deıin kólemde beriledi, merzimi - 15 jylǵa deıin, syıaqy mólsherlemesi - jyldyq 4% (sýbsıdııalaýdy eseptegende), jyldyq tıimdi syıaqy mólsherlemesi - 4,1%-dan bastap.

Farıda BYQAI,

«Egemen Qazaqstan»

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar