«Astananyń kólik turaǵy keńistigi» JShS-nen málimdegendeı, «Nurjol» jelekjolyndaǵy kólik turaǵyn paıdalaný ýaqytsha tegin bolady.
«Qurmetti Astana turǵyndary men qonaqtary, sizderge qazirgi aýa raıynyń qolaısyz kezeńinde, ıaǵnı osy jyldyń 6-7 aqpanynda «Nurjol» jelekjolyndaǵy kólik turaǵyn paıdalanǵanyńyz úshin aqy tólemeıtinińizdi habarlaımyz», – delingen kompanııanyń habarlamasynda.
Oǵan deıin, Smart Astana qosymshasynda eski temirjol vokzaly men áýejaıda da avto turaqty paıdalaný tegin ekendigi habarlanǵan bolatyn.
«Aýa raıynyń qolaısyzdyǵyna baılanysty eski temirjol vokzaly men áýejaı mańyndaǵy kólik turaqtary tegin jumys isteıdi, ıaǵnı shlagbaým kóterilip turady. Kirý jáne shyǵý tegin», – delingen taratylǵan habarlamada.
