«Metropolitan Textile» JShS-i 2015 jyldan beri sporttyq jáne arnaıy kıimder tigýmen aınalysady. Olardyń klıentteriniń arasynda - The Ritz-Carlton Astana, Hilton Astana, «Jigergaz», «Etalon avto» jelisi, KAZGIýÝ, Nazarbaev ýnıversıteti bar.
«Nazarbaev ýnıversıteti úshin biz eki jyl qatarynan olardyń voleıbol, fýtbol, basketbol komandalary úshin jáne ýnıversıtettik sımvolıkasy bar kıimder tiktik», – deıdi «Metropolitan Textile» dırektory Almagúl Qasymova.
Sporttyq kıimniń fızıkalyq belsendilikke baılanysty birqatar arnaýly sıpattamalary bolýy tıis. О́ndirýshiler osynyń bárin esepke ala otyryp, arnaıy mata tańdap, erekshe fýnksıonaldyq pishim qoldanady. Jaqynda fırma jańa baǵytty damytýdy qolǵa alypty. Endi munda kúndelikti ómirge arnalǵan sporttyq kıimder tigiledi.
«Biz ózimizdiń Evol.Collab brendin damytýdy bastadyq, jeke tapsyryspen de kıim tigemiz. Qazir kórsetilimge arnalǵan úlgiler tigýdemiz», – dedi A. Qasymova.
Jeke tapsyryspen sporttyq kıim tigýge suranys joǵary bolýy tıis. Evol.Collab brendin jasaýshy osy baǵytty durys dep esepteıdi. Tikeleı korporatıvtik tapsyrystardy oryndaý jaqsy sheshim dep oılaıdy. Almagúl Qasymova «Bolashaq» baǵdarlamasy boıynsha Boston ýnıversıtetiniń Kýestroma bıznes mektebinde aldy. Tigin fabrıkasy shaǵyn. Qazir onda segiz adam jumys isteıdi. Alty tiginshi bar. Konstrýktor-pishýshi jáne tehnolog qyzmetin bir adam, qoımashy-qaptaýshy ári sosyn tańbalaýshy men sapasyn baqylaýshy qyzmetin bir adam atqarady.
Almagúldiń aıtýynsha, jańa kolleksııany @evol.collab ınstagram paraqshasynan kórýge bolady. Al shoýrým daıyn bolǵanda, unaǵan kıimdi kıip, ólshep kórýge de bolady. Ol tigin fabrıkasynyń dál janynda ornalasatyn bolady.
«Biz tikken kıimder adamdy kóp jyldar boıy qýantsa deımiz, sol sebepti de jeke tapsyryspen tigemiz. Biz kolleksııamyzda qyzdar úshin bes, erler úshin bes úlgi tigemiz. Bárin bir-birimen almastyryp túrlendirýge bolady. Bizdiń brend tanymal bolca deımiz. Tutynýshylar ár kıimniń sapaly jáne erekshe ekenine kóz jetkizetin bolady», – deıdi Almagúl Qasymova.
