Jaqyn arada ázirlengen usynystar múddeli memlekettik organdarmen kelisýge beriletin bolady.
2019 jyldyń 8 aqpanynan bastap bereshegin tólegen jaǵdaıda ósimpul men aıyppul somasyn esepten shyǵarý qaǵıdalary qoldanysqa enetinin esterińizge salamyz.
Bul qaǵıdalar Elbasynyń 2018 jylǵy 5 qazandaǵy Qazaqstan halqyna Joldaýynda 2019 jyldyń 1 qańtarynan bastap salyqtyń negizgi somasyn tólegen jaǵdaıda ósimpuldardy jáne aıyppuldy esepten shyǵarý jóninde shaǵyn jáne orta bıznes sýbektileri úshin salyqtyq raqymshylyqty júrgizý týraly berilgen tapsyrmasyn oryndaý maqsatynda ázirlenip, bekitilgen.
Búgingi kúngi jaǵdaı boıynsha 27 903 salyq tóleýshi bıýdjetke 2018 jyldyń 1 qazanynda bolǵan jalpy somasy 5,9 mlrd teńge quraıtyn negizgi qaryzyn tólegen.
Osylaısha, jaqyn arada qaǵıdalar qoldanysqa engizilgen soń, joǵaryda kórsetilgen salyq tóleýshilerge 1,1 mlrd teńge ósimpul jáne 100 mln teńge aıyppul esepten shyǵarylatyn bolady.
Shaǵyn jáne orta bıznes sýbektileriniń memlekettik kirister organdaryna barýdyń qajeti joq: ósimpuldar men aıyppuldar salyq tóleýshiniń ótinishinsiz esepten shyǵarylady. Ońaltý rásimindegi jáne salyqtar boıynsha tóleý merzimin uzartqan salyq tóleýshilerge qatysty raqymshylyq qoldanýdyń tártibi basqasha.
