Batys Qazaqstan oblysynda Reseı Federasııasynyń Samara, Orynbor, Tolıattı, Saratov, Býzýlýk qalalary baǵytyna júretin 5 halyqaralyq, Atyraý men Aqtóbege qatynaıtyn 2 oblysaralyq avtobýs marshrýty bar. Oǵan qosa 28 qalalyq, 5 qala mańy, 32 oblysishilik, 37 aýdanishilik turaqty avtobýs marshrýttary jumys jasaıdy. Atalǵan avtobýs marshrýttaryna 30 tasymaldaýshy-kásiporyn qyzmet kórsetedi eken.
О́ńirde áleýmettik mańyzy bar jolaýshy qatynastaryn memlekettik qoldaý turaqty júzege asady. Mysaly, 2018 jyly oblysishilik avtobýs marshrýttary boıynsha tasymaldaýshylardyń shyǵyndaryn sýbsıdııalaý úshin oblys bıýdjetinen 60,0 mln. teńge tólendi. 2019 jyly da osyndaı avtobýs marshrýttaryn sýbsıdııalaý úshin 70,0 mln. teńge bólindi. Atap aıtqanda 7 marshrýt sýbsıdııalanbaq, olar: «Taıpaq-Oral», «Jańaqala-Oral», «Jánibek-Oral», «Qaratóbe-Oral», «Oral-Saıqyn», «Qaztalov-Oral», «Jalpaqtal-Oral» baǵyttary.
Batys Qazaqstan oblysy arqyly «Almaty-Saratov» halyqaralyq jolaýshylar poıyzy, oblysaralyq qatynastaǵy «Oral-Astana», «Oral-Almaty», «Oral-Aqtóbe» poıyzdary, aýdanaralyq «Oral-Ozınkı» jáne «Oral-Shyńǵyrlaý» poıyzdary ótedi. 2018 jyly eki temir jol marshrýty boıynsha tasymaldaýshylardyń shyǵyndaryn sýbsıdııalaý úshin oblys bıýdjetinen 166,4 mln. teńge tólengen bolatyn. Bıyl onyń mólsheri 174,6 mln. teńge boldy.
Qazbek QUTTYMURATULY,
«Egemen Qazaqstan»
Batys Qazaqstan
