Qazaqstan Ulttyq Banki Tóraǵasynyń orynbasary Oleg Smolıakov «Sesnabank» AQ-tyń qarjylyq turaqtylyǵyna baılanysty Úkimet pen Qazaqstan Ulttyq Banki iske asyrǵan sharalar kesheni jáne «Sesnabank» AQ-qa jańa ınvestor tartý bankti qalypqa keltirýge múmkindik berdi» dedi BAQ-tyń suraqtaryna túsiniktemesinde.
«Qazirgi ýaqytta bankte Qazaqstan Ulttyq Bankiniń eń tómengi talaptarynan asatyn kapıtaldandyrý jáne ótimdilik kórsetkishteri bar. «Sesnabank» AQ ótimdiligi joǵary aktıvterdiń eleýli qoryna ıe, bul bankke klıentter men kredıtorlar aldyndaǵy óz mindettemelerin tolyq kólemde oryndaýǵa múmkindik beredi. Sonymen qatar, bank mindettemeleriniń kópshiligi bankti qorlandyrýdyń turaqty bazasymen qamtamasyz ete otyryp, uzaq merzimdi sıpatqa ıe. Buny bank oblıgasııalarynyń depozıtterge araqatynasy kórsetip otyr, ol júıe boıynsha 20%-dan aspaıtyn ortasha kórsetkishten birneshe ese artyq. Sonymen qatar, «Sesnabank» AQ kredıt portfeliniń qunsyzdanýynan bolǵan barlyq yqtımal shyǵyndardy óteý úshin jetkilikti somaǵa qosymsha provızııa qalyptastyrdy. Sondaı-aq «Sesnabank» AQ buryn Qazaqstan Ulttyq Banki usynǵan turaqtandyrý qaryzyn tolyq kólemde ótedi. Osylaısha, «Sesnabank» AQ tolyq qalypqa keltirilip, ádettegi rejımdegi qyzmetin júzege asyrýdy jáne klıentteri men salymshylary aldyndaǵy mindettemelerin oryndaýdy jalǵastyrady» dedi tóraǵa orynbasary Oleg Smolıakov.
