Al, 9 , 10 qabatty úılerde ballondar bar ekeni anyqtalǵan jaǵdaıda eskertý jasalady. Belgili ýaqyt aralyǵynda alyp tastaý kerek. Sońǵy úsh jylda kópqabatty úılerde gaz ballondaryn durys paıdalanbaý boıynsha 8 oqıǵa tirkelipti. Bir adam kóz jumǵan.
Sondyqtan,qazir kópqabatty turǵyn úılerdegi gaz ballondaryn qoldaný kezindegi órt qaýipsizdigi jáne kópqabatty úılerde balalardyń otpen abaısyzdyǵynan týyndaıtyn órt jaǵdaılarynyń aldyn alý maqsatynda turǵyndarǵa erejelerdi túsindirý boıynsha sharalar ótýde.
Basqarmasynyń málimetinshe, oblystaǵy gaz jetkizýmen aınalysatyn jeke menshik uıymdardyń ókilderimen de kezdesýler ótkizilýde.
О́ńirdegi aýyl, qalalarda gazdy paıdalanatyn turǵyndar az emes. Mamandar qystyń aıazdy kúnderi turǵyndardy qandaı bir jylytý quraldaryn paıdalanǵan kezde asa saq bolýǵa shaqyrady.
Másele, gaz ballon jabdyqtaryn jetkizý, ony jeke úılerge, kóp qabatty turǵyn úılerge ornatý jáne ony paıdalaný máselesine basa nazar aýdarylýda. Mysaly,oblys ortalyǵyndaǵy «InterSnabGaz» JShS-niń málimetinshe ókilderiniń aıtýynsha, qala boıynsha 3,5 myń abonent tirkelgen.
Abonentterdiń 130-y qaladaǵy 9 qabatty turǵyn úılerde turady. Keıbir turǵyndardyń gaz ballondaryn janarmaı quıý beketterinen toltyryp júrgenderi de kezdesipti. Biraq, qazir bul jaǵdaı baqylaýda, janarmaı beketterinen gaz ballondaryn toltyryp júrgen turǵyndarǵa qatań tyıym salynǵan. Al, «InterSnab Gaz» JShS óz tutynýshylaryna gaz ballondaryn talapqa saı jetkizip, qaýipsizdik sharalaryn saqtaýdy eskeretedi. О́ıtkeni, zańsyz áreketten qaıǵyly jaǵdaı oryn alýy da múmkin. Tek qana sapaly qyzmetti paıdalanǵan jón deıdi mamandar.
Saqtansań-saqtaıdy. Turǵyndardyń gaz ballondaryn, peshti jaǵý kezinde qaýipsizdik sharalaryn durys saqtamaýy órtke sebep. О́tken jyly óńirde 873 órt oqıǵasy tirkelip, 34 adam kóz jumǵan. Oqys oqıǵa saldarynan 33 adam ártúrli deńgeıde jaraqat alsa, bıyl bastalǵan jyldyń ózinde 46 órt oryn alyp, 6 adam baqılyq bolypty.
Farıda BYQAI,
«Egemen Qazaqstan»
Pavlodar oblysy
