Quttyqtaý jedelhatynda bylaı delingen:
«Qurmetti Iýlııa!
Bizdiń olımpıadalyq otbasy jáne jeke óz atymnan Sizdi Dır-Vellıdegi álem chempıonatynyń altyn medalimen quttyqtaımyn!
Frıstaıldaǵy eń tanymal bókterlerdiń birindegi jeńis sizdiń qorytyndy esepte birinshi orynǵa shyǵýyńyzǵa sebepker bolyp otyr. Bul sizdiń álemdik mogýldaǵy jetistikterińiz kezdeısoq emestigin kórsetedi. Sizdiń jeńisińizdiń arqasynda Qazaqstan álemdik frıstaılda úzdikter qataryna enýde.
Frıstaıldan tarıhı medal ıelengen Phenchhandaǵy Olımpıada oıyndarynan soń araǵa bir jyl salyp taǵy da jeńis tuǵyrynan kórindińiz. Búgingi altyn medaldiń otandyq sport tarıhyndaǵy orny erekshe. Siz tynymsyz eńbektiń arqasynda sporttaǵy bıikterdi baǵyndyrýǵa bolatynyn dáleldedińiz.
Sizdi jáne sizdiń bapkerińiz Elena Anatolevna Krýglyhına men barlyq komanda múshelerin úlken jetistikpen quttyqtaımyn. Maýsymdy sátti aıaqtap, Almatyda ótetin frıstaıl-mogýldan álem kýboginiń fınaldyq kezeńinde jankúıerlerińizdi qýantýyńyzǵa tilektespin!»
Esterińizge salsaq, Amerıkanyń Park-Sıtı qalasyndaǵy álem chempıonatynda mogýldan áıelder arasyndaǵy chempıon anyqtaldy. Qazaqstandyq Iýlııa Galysheva álem chempıony atandy
