Eldik rýhtyń tálimi

Juma, 20 sáýir 2012 8:17

Elimizdiń tynyshtyǵy men beıbitshiligin qorǵaıtyn qury­lym­dardyń qatarynda boı­yn­da patrıottyq sezimi joǵary jas­tardyń bolýy memle­keti­miz­diń myǵymdyǵyn qamta­ma­syz etedi. Sondyqtan da el qor­ǵany bolar jastarǵa talaptyń da joǵary bolatyny túsinikti. Osy maqsatta eliniń tarıhyn, tili men dilin, áni men kúıin jastardyń boıyna sińirý úshin kóp jumystar jasalýda. Ob­lys­tyq ishki saıasat basqar­ma­sy­nyń uıytqy bolýymen №6655 áskerı bóliminde ótken «Jas Ulan – 2012» áskerı-pat­rıottyq ánder baıqaýy osy baǵyttaǵy josparly shara­lar­dyń biri ǵana.

Juma, 20 sáýir 2012 8:17

Elimizdiń tynyshtyǵy men beıbitshiligin qorǵaıtyn qury­lym­dardyń qatarynda boı­yn­da patrıottyq sezimi joǵary jas­tardyń bolýy memle­keti­miz­diń myǵymdyǵyn qamta­ma­syz etedi. Sondyqtan da el qor­ǵany bolar jastarǵa talaptyń da joǵary bolatyny túsinikti. Osy maqsatta eliniń tarıhyn, tili men dilin, áni men kúıin jastardyń boıyna sińirý úshin kóp jumystar jasalýda. Ob­lys­tyq ishki saıasat basqar­ma­sy­nyń uıytqy bolýymen №6655 áskerı bóliminde ótken «Jas Ulan – 2012» áskerı-pat­rıottyq ánder baıqaýy osy baǵyttaǵy josparly shara­lar­dyń biri ǵana.

Baıqaýdy ótkizýdiń maqsaty memlekettik jastar saıasatyn júzege asyrý, jastardyń eline, jerine degen súıispenshilik sezimin oıatý bolyp tabylady. Fes­tıval ótetin alańǵa №6655 ás­kerı bóliminiń «Ulan», Aqtó­be zań ınstıtýtynyń «Qor­ǵan», Eset batyr atyndaǵy áske­rı-polısııalyq mektep-ın­ternatynyń «Arlan», eki márte Keńes Odaǵynyń Batyry Tal­ǵat Bıgeldınov atyndaǵy áýe qorǵanysy kúshteri ınstıtýty­nyń komandalary saltanatty kıinip shyǵa kelgende, kóz súı­si­nip, kóńil kóterilip qaldy. Syp­taı boı túzegen jastardyń jarasymdy qımyl-qozǵaly­sy­nyń ózi bul sharanyń ajaryn ashyp júre berdi.

«Bolashaq búginnen basta­la­dy» atty respýblıkalyq ak­sııa­nyń aıasynda ótkizilip jat­qan bul sharaǵa atalǵan mekemeler ǵana emes, osynda áskerı qyz­metin ótep jáne oqyp júr­gen balalardyń ata-analary­nyń kelýi de jarasymdy bol­dy. Festıval úsh nomınasııa boıynsha ótkizildi. Festıval­ǵa qatysýshylar patrıottyq, sap­tyq ánder aıtýdan, memlekettik rámizderimizge jáne el táý­el­sizdigine qatysty suraqtarǵa jaýap berýden synǵa tústi. Kirispe sózben ashqan oblystyq ishki saıasat basqarmasy bas­tyǵynyń orynbasary Syrym Ábdirahmanov elimizdiń erteńi jastar ekenin tilge tıek ete kelip, patrıottyq sezimniń ir­getasy osy áskerı bólimderden qalanatynyn jetkizdi. Fes­tı­valǵa Uly Otan soǵysy jáne tyldaǵy eńbek ardagerleri Fedor Chemodanovtyń, Musa Al­da­nızovtiń, О́tesh Jalmaǵam­be­tov­tiń jáne Ǵubaıdolla Biti­kov­tiń qatysýy da bul shara­nyń mańyzdylyǵyn arttyra tústi. Soǵys jáne eńbek arda­gerleriniń kelip otyrǵanyn kór­gen qatysýshylar minsiz óner kórsetip, aǵa urpaq al­dyn­da uıalmaýǵa tyrysty.

Áskerı bólimniń alańyn­da­ǵy sahna tórine kóterilgen №6655 áskerı bóliminiń ánshisi Ashat Qýandyqov patrıottyq ánderdiń sherýin bastaı jó­neldi. Alań aspanyn №6655 áskerı bóliminiń ókili Jasulan Ertasov, Áýe qorǵanysy kúsh­teri áskerı ınstıtýtynyń kýr­santy Mıras Bekesov, osy jo­ǵa­ry oqý ornynyń kýrsanty Al­tynbek Aqkereev oryndaǵan patrıottyq ánder jalǵas­tyr­dy. Amanat Qarataevtyń áni de tyń­darmannyń kóńilinen shyqty.

Jańa ǵana sahnadan túsken Amanat óziniń Aqtóbe zań ıns­tıtýtynda ekinshi kýrsta oqı­ty­nyn, qazaqsha án aıtýdy unata­tynyn jetkizdi. Onyń oryn­daýyndaǵy «О́z elim!» áni sha­ra­ǵa jınalǵandardy bir serpiltip tastady. Ándi oryndap sahnadan túsken Amanat Qara­taev ata-anasy Jomart pen Múslımanyń seniminen shyǵý basty maqsaty ekenin, ónerge talaptanyp júrgenin jetkizdi.

Sodan keıin festıvalǵa qatysýshy komandalar sapta án aıtyp, saıysqa tústi. Qazaq­stan Respýblıkasynyń Memlekettik rámizderine qatysty saýal­­dar­ǵa da festıvalǵa qa­tysý­shy­lar múdirmeı jaýap berdi. Jarys bolǵan jerde jankúıer de qalmaıtyny belgili. Biz sondaı jankúıerdiń biri Zarıpa Kúlekenovamen tildestik. Ol osynda jıeni As­qar­bekti qol­daýǵa kelgenin, onyń sapta án oryndap ótkeniniń ózin kóńilge medeý tutatynyn aıtty. Osyndaı sharalardyń jastar­dyń boıynda elge, týǵan jerge, ata-anaǵa, baýyrǵa degen súıis­penshilikti oıatatynyn tilge tıek etti. Elimizdiń bolashaǵy jas­­tardyń qolynda ekenin, olardyń adamgershiligi mol, tý­ǵan eline degen úlken júrekti azamat bolyp ósýi osyndaı ıgi isterden bastaý alatynyn ana­lyq sezimmen túıindedi.

Festıvalǵa qatysýshylar­dyń ónerlerin baǵalaýshy qa­zylar alqasy eki márte Keńes Odaǵynyń Batyry Talǵat Bıgeldınov atyndaǵy Áýe qor­ǵanysy kúshteriniń áskerı ıns­tıtýtyn Gran-prı júldegeri dep tanydy jáne sapta án aıtýdan jeńimpaz boldy. Birinshi oryndy №6655 áskerı bólimi­niń komandasy ıelendi. Aqtóbe zań ınstıtýtynyń komandasy­nyń jetekshisi Damır Haırýshev «Úzdik komanda kapıta­ny», №6655 áskerı bóliminiń qyzmetkeri Jasulan Ertasov «Úzdik oryndaýshy» nomına­sııa­syn jeńip aldy. Jeńimpaz­dar men júldegerlerge alǵys hattar men syılyqtar tap­syryldy.

Satybaldy SÁÝIRBAI,

Aqtóbe oblysy.