Oral qalasyndaǵy eski bólimshe Turǵyn úı qurylys jınaq banki klıentteri úshin tar bolyp kelgen bolatyn. Buryn qarjylyq uıym qyzmetkerleri aýdany 500 sharshy metrdi quraıtyn bólimshede kún saıyn shamamen 500-ge jýyq adamǵa qyzmet kórsetetin. Al qazir aımaq turǵyndaryna qolaıly bolsyn degen maqsatta aýdany 1200 sharshy metrdi quraıtyn jańa keńse ashylyp otyr. Bólimshe aýmaǵynyń 70%-y klıenttik aımaqqa berilgen.
Jalpy alǵanda, bank oblys boıynsha 68,6 myń adamǵa qyzmet kórsetedi. Salymshylardyń dál osy sany, ıaǵnı oblystyń árbir onynshy turǵyny bolashaqta úı alamyz dep Turǵyn úı qurylys jınaq bankindegi shottaryna qarajat jınaqtap jatyr. Olardyń depozıtterine jınalǵan qarajattyń jalpy somasy 34,6 mlrd teńgeni quraıdy.
Batys Qazaqstan oblysy turǵyndarynyń bank ónimderine degen joǵary suranysy olardyń qoljetimdiligimen jáne turǵyn úıdi paıdalanýǵa berý kórsetkishteriniń jyl saıynǵy ósimimen túsindiriledi, bul – oblys ákimdiginiń tıimdi jumysynyń nátıjesi ekendiginiń de aıǵaǵy. Mysaly, 2014 jyly aımaqta 257,1 myń sh.m. turǵyn úı salynǵan bolsa, 2017 jyly – 392,2 myń sh.m., al 2018 j. nátıjesi boıynsha 432,2 myń sh.m. baspana qurylysy boı kótergen.
Osy jyly paıdalanýǵa beriletin turǵyn úıler kóleminiń budan da artyq bolýy múmkin. Tek «Nurly jer» memlekettik baǵdarlamasy aıasynda 9 úıdiń qurylysy josparlanyp otyr. Olardyń ishinde 1 100 páteri Turǵyn úı qurylys jınaq banki salymshylaryna beriletin bolady.
- Batys Qazaqstan oblysynda qazaqstandyqtarǵa berilgen zaemdardyń jartysynan kóbin Turǵyn úı qurylys jınaq banki qamtamasyz etedi. Klıentterdiń barynsha qysqa merzim ishinde qyzmetterdi alýy úshin biz jańa fılıaldardy ashyp qana qoımaı, sondaı-aq onlaın-quraldardy da engizip jatyrmyz. Kez kelgen qazaqstandyq banktiń keńes berýshisin úıine nemese jumysyna shaqyra otyryp, qashyqtan depozıt asha alady. Jaqynda ǵana biz Qýanysh dep atalatyn vırtýaldy kómekshini iske qostyq. Bul – Telegram-daǵy chat-bot. Qýanysh sizdiń depozıtińiz jáne kredıtińiz boıynsha derbes aqparatty alýǵa kómektesedi. Taǵy bir noý-haý –beıne-kabınalar. Olarmen jańa bólimshe jabdyqtalady. Munda kezekte turmaı-aq vırtýaldy túrde barlyq qajetti aqparatty alýǵa bolady, - dep atap ótti Turǵyn úı qurylys jınaq banki basqarma bóraıymynyń orynbasary Nurlan Aqshanov.
Turǵyn úı qurylys jınaq banki jańa fılıalmen birge Batys Qzaqstan oblysynda «Jas Maman» aksııasyn iske qosty. Joba aıasynda bankte bos laýazymdar bólindi: bank 18 ben 35 jas aralyǵyndaǵy aımaq turǵyndaryn shtattan tys keńes berýshiler retinde jumysqa qabyldaýǵa daıyn. Úmitkerlerge joǵary jáne orta arnaıy bilimi, sondaı-aq qarjy salasyndaǵy jumys ótiliniń bolýyna qatysty qatań talaptar qoıylmaıdy.
Sıfrlyq tehnologııalardyń arqasynda banktiń jańa qyzmetkerleri qyzmetterdi qashyqtan kórsete alady. Iаǵnı keńsede otyrýy mindetti emes. Klıentterge keńes berý jáne olarǵa depozıtter ashý oblystyń búkil aýmaǵy boıynsha, tipti eń shalǵaı aýdandarda da múmkin bolady. Osy oraıda keńes berýshi jumysyn negizgi jumyspen nemese oqýmen qatar júrgizýge ruqsat beriledi.
BQO-daǵy keńes berýshilerdiń ortasha jalaqysy aıyna 180 000 teńgeni quraıdy. Mundaı jalaqy jas mamandarǵa Turǵyn úı qurylys jınaq bankindegi shottaryna qarajat jınaqtaýǵa jáne bolashaqta baspana satyp alýǵa múmkindik beredi.
