Astana qalasynyń jumyspen qamtý, eńbek jáne áleýmettik qorǵaý, ınvestısııalar jáne kásipkerlikti damytý basqarmalary jáne «ALDAR EvroAzııa» JShS ózara yntymaqtastyq týraly memorandýmǵa qol qoıdy.
Qujatty bekitý taraptardyń uzaq merzimdi seriktestigin qurýǵa baǵyttalǵan. Maqsat – halyqty jumyspen qamtý ortalyǵynda tirkeýde turǵan azamattarmen birge, elorda turǵyndaryn jumysqa ornalastyrý úshin jaǵdaı jasaý, sondaı-aq Astanadaǵy «Abý-Dabı Plaza» KFK jobasynyń jumysy sheńberinde kadrlardy daıarlaý jáne qaıta daıarlaý.
Jańa nysandy paıdalanýǵa berýdiń nátıjesinde qoldanystaǵy kásiporyndardyń damýy esebinen elordada jyl saıyn turaqty 19-20 myń jumys orny qurylýda. Búgingi tańda elordada ekonomıkalyq belsendi halyq sany 531,3 myń adamdy, jumyspen qamtylǵan halyq sany 507,2 myń adamdy quraıdy.
Astananyń ındýstrıaldy-ınnovasııalyq jáne áleýmettik-ekonomıkalyq damýynyń aıasynda, «Ábý-Dabı Plaza» KFK nysandarynda jańa jumys oryndaryn qurý elordamyzdyń eńbek naryǵyndaǵy jaǵdaıdy turaqtandyrýǵa múmkindik beredi.
