– Búgingi kúnde oblysta baspana alý kezeginde 1206 kópbalaly otbasy tur. «Nurly jer» baǵdarlamasy boıynsha biz kezekte turǵandardyń 11 sanaty úshin jylyna shamamen 300 páter salamyz. Al kezekte turǵandardyń sany búginde 36 myń. Árıne, mundaı qarqynmen taıaý ýaqytta muqtaj jandardy baspanamen qamtamasyz ete almaımyz, – dep atap ótti óńir basshysy.
Oblys ákimi bul baǵytta qabyldanǵan sheshimder týraly aıtty. Mysaly, kezekte turǵan kópbalaly otbasylardy nesıelendirý úshin oblystyq bıýdjetten «Turǵynúıqurylysjınaqbankine» 1 mlrd teńge qarjy bólingen.
– Jyldyq 2% mólsherleme boıynsha 15 mln teńgege deıin nesıe qarastyrylǵan. Bastapqy jarna – 10%, – dedi oblys ákimi.
Osy oraıda, 10 mln teńge turatyn páter alýǵa qajetti 1 mln teńge bolatyn bastapqy jarnany turǵyn úı sertıfıkaty jabatyn bolady. Sonda aı saıynǵy ortasha tólem 41 myń teńge bolady dep eseptelgen.
Sonymen qatar, oblys ákimi aldaǵy ýaqytta Qaraǵandy oblysynda kóp balaly analar qoǵamdyq kólikte tegin júre alatynyn málimdedi. Sondaı-aq, kóp balaly otbasylardan shyqqan oqýshylar tegin ystyq tamaqpen qamtamasyz etiledi.
Qaırat ÁBILDA,
«Egemen Qazaqstan»
Qaraǵandy
