1942 jyldyń qańtarynda maıdanǵa attanǵan Qazbek Nurjanov soǵysta kórsetken áskerı erligi úshin Qyzyl Tý, Dańq ordeni jáne III dárejeli «Erligi úshin» medalimen marapattalǵan. 1945 jyly 24 naýryzda Joǵarǵy Keńes Prezıdıýmynyń qaýlysymen nemis fashıstik basqynshylaryna qarsy kúreste jaýyngerlik mindetin úlgili atqarǵany jáne erjúrektilishi úshin Keńes Odaǵynyń Batyry ataǵy berildi.
Qaraǵandy oblysy Aqtoǵaı aýdanynyń Aqtoǵaı aýylyndaǵy Mektepke batyrdyń esimi berilgen. Qazbek Nurjanovtyń jerlengen jerinde ornalasqan Derechın agrarlyq qalashyǵynda batyrdyń atymen eskertkish taqta ornatylǵan.
Sondaı-aq Volkovysk qalalyq depýtattar keńesiniń 2012 jylǵy 18 qyrkúıektegi № 104 sheshimimen Volkovysk qalasyndaǵy kóshelerdiń birine Qazbek Nurjanovtyń esimi berildi.
Jeńil atletıka baǵdarlamasynyń 17 túrinen úsh jas sanatynda 400-ge jýyq jas sportshylar, onyń ishinde Volkovysk pen Zelvensk aýdandarynan sondaı-aq Qaraǵandy oblystyq jasóspirimder Olımpıadalyq rezervtik jastar mektebiniń sportshylary óner kórsetti.
Týrnırge qatysýshylarǵa arnap aýdandyq atqarýshy komıteti bilim bóliminiń bastyǵy Mıhaıl Semenchık, Qazaqstan Respýblıkasynyń Belarýs Respýblıkasyndaǵy Elshiliginiń ekinshi hatshysy Talǵat Ryskeldıev, aýdandyq ardagerler keńesiniń tóraǵasy Anatolıı Ignatovıch jáne basqalar sóz sóıledi.
