Solardyń biri – mektep janynan murajaı ashýǵa azamattarymyz Qumar Nurǵalıev – 150 myń teńge, Tańatar Mýftahıev – 200 myń teńge, Qaztalov aýdandyq máslıhat depýtaty Nurlybaı Joldybaev 200 myń teńge kóleminde demeýshilik tanytsa, osy mektebimizdiń taǵy bir túlegi Márýash Muqanqyzy 313 myń teńgeniń kıimin oqýshylarǵa syıǵa tartty.
Osyndaı ıgi is aýylymyzda jalǵasyp jatyr. Jyldyń basynda mektep janynda aýyl azamattarynyń kúshimen muz aıdyn ashyldy. Darhan Aıabalıev pen Samat Seıitkereevtiń demeýshiligimen aýmaǵy 600 sharshy metr bolatyn muz aıdyny ádemi qorshaldy. Osy aıdynnyń qurylysyna Aıabalıevter otbasy 1 mln 200 myń teńge jumsapty. Buǵan deıin de aýylda Táýelsizdik monýmenti men Altybaqan alańyn turǵyzǵan atymtaı jomart jandarǵa aýyldastarynyń alǵysy sheksiz.
Aǵa býynnyń osyndaı qamqorlyǵyn sezingen mektep shákirtteri de úzdik jetistikterimen bizdi, ustazdar qaýymyn jıi qýantyp júr. 2004-2005 jyly týǵan uldar arasyndaǵy kishi fýtboldan «Coca-cola-Bylǵary dop» týrnıriniń aımaqtyq irikteý kezeńinde Taldyapan mektebi aýdanda III oryn alyp, 17 dop soqqan 9-synyp oqýshysy Dııas Qalıollın «Úzdik shabýylshy» atandy. Kókterek aýylynda kishi fýtboldan 2008-2009 jylǵy uldar arasynda ótken saıysta taldyapandyqtar I oryn ıelendi. Jaqsy oıyn órnegimen kózge túsken 4-synyp oqýshysy Nurálem Jalmuhanov «Úzdik oıynshy» ataǵyna ıe boldy.
1947-1953 jyldary Taldyapan mektebiniń meńgerýshisi qyzmetin atqarǵan Súleımen Esetovtiń 100 jyldyq mereıtoıyna oraı Taldyqudyq aýylynda 2002-2003 jylǵy jasóspirimder arasynda ótken kishi fýtbol saıysynda Taldyapan mektebi júldeli I oryndy qanjyǵaǵa baılady. 11-synyp oqýshysy Merlan Jastalapov – «Úzdik qorǵaýshy», 9-synyp oqýshysy Dıas Qalıollın «Úzdik oıynshy» atanyp, arnaıy dıplommen marapattaldy.
Al basketboldan joǵary synyp oqýshylary arasynda ótkizilgen «Mektep lıgasy» jarystarynyń oblystyq kezeńinde jalpykomandalyq esepte qyzdar arasynda II oryn, uldar arasynda III oryn Taldyapan orta jalpy bilim beretin mektebiniń oqýshylaryna buıyrdy. Osyndaı shákirt daıyndaǵan deneshynyqtyrý páni muǵalimderi R.Kenjeǵalıev, A.Kargapolsev, B.Japarov syndy ustazdardyń eren eńbeginiń nátıjesi dep bilemiz.
Aqerke ǴUBAIDOLLAQYZY,
Taldyapan orta mektebiniń muǵalimi
Batys Qazaqstan oblysy, Qaztalov aýdany
