Buǵan deıin habarlaǵanymyzdaı, sammıtke Soltústik Koreıa basshysymen birge AQSh prezıdenti Donald Tramp qatysady. Odan bólek, KHDR Memlekettik keńesiniń tóraǵasy Kım Chen Ynnyń Vetnam Sosıalıstik Respýblıkasynyń basshysy Ngýen Fý Chongpen de kezdesýi josparlanǵan.
Kım Chen Yn Phenıannan Hanoıǵa poıyzben attanǵan. Eki astana arasy 4,5 myń shaqyrym. Soltústik Koreıa prezıdenti Vetnam astanasyna shamamen eki kún júrmek.
Osyǵan oraı Vetnam astanasynda qaýipsizdik sharalary kúsheıgen. Memlekettiń qaýipsizdik qyzmetinen bólek Soltústik Koreıa qaýipsizdik qyzmettiń 100-ge jýyq mamany kelgen.
Sammıt barysynda taraptar Koreı túbegin ıadrolyq qarýdan azat etý kelisiminiń oryndalýy men aımaqtaǵy qaýipsizdik máselesi keńinen talqylaıtyn bolady.
Esterińizge sala ketsek, taraptardyń alǵashqy sammıti ótken jyldyń jazynda Sıngapýrde ótken edi. Al KHDR basshysynyń Vetnamǵa sońǵy sapary 55 jyl buryn bolǵan.
