О́ner otaýynda elimizge ǵana emes, odan tys jerlerge aty máshhúr belgili dırıjerleri: «Astana Opera» teatry bas dırıjeriniń orynbasary, Qazaqstannyń eńbek sińirgen qaıratkeri Abzal Muhıtdınov, Qazaq ulttyq óner ýnıversıtetiniń «Vokaldyq óner jáne dırıjerlaý» kafedrasynyń dosenti Erlan Beısembaev, N.Tilendıev atyndaǵy memlekettik akademııalyq folklorlyq-akademııalyq «Otyrar sazy» orkestriniń dırıjeri Jalǵasbek Begendikov, Qazaq ulttyq óner ýnıversıtetiniń professory, «Daryn» jastar syılyǵynyń laýreaty, Qazaqstannyń eńbek sińirgen qaıratkeri Dáýren Ǵylymov, Gnesın atyndaǵy «Dýsha Rossıı» orys halyq aspaptar orkestriniń bas dırıjeri Vladımır Shkýrovskıı bas qosty. Alǵashqy kúni qonaqtar О́.Sultanǵazın atyndaǵy Qostanaı memlekettik pedagogıkalyq ýnıversıtetinde stýdenttermen kezdesti. Onda óner jaıly keńinen áńgime órbidi.
Negizi bıylǵy dırıjerler forýmy oblystyq fılarmonııadaǵy kameralyq orkestrdiń 15 jyldyǵyna arnalyp uıymdastyryldy. Sondyqtan forýmnyń alǵashqy kúni qostanaılyqtarǵa kameralyq orkestrdiń konserti usynyldy.
– Qostanaıda túrli salanyń – klassıkalyq, orys jáne qazaq ult aspaptary orkestrleriniń dırıjerleri bas qosyp otyrmyz. Qostanaı oblystyq fılarmonııasynyń bul forýmy óte mańyzdy shara der edim. О́ner bóliskende damıdy. Munda ár dırıjer óz tájirıbesin, óziniń jańalyǵyn kórsetedi. Osyndaı kezdesýlerden jańa bastamalar, jańa baılanystar paıda bolady. Búgin Máskeýden Vladımır Shkýrovskıı Qazaqstanǵa keldi, al biz erteń Reseıge baramyz, osylaı tájirıbe almasamyz. Bul forým Qostanaıdaǵy óner ujymyn, ondaǵy talantty mýzykanttar úshin de paıdaly, olardy izdenisterge ıtermeleıdi, – dedi belgili dırıjer, Qazaqstannyń eńbek sińirgen qaıratkeri Abzal Muhıtdınov.
Kórermender qashanda ónerge sýsap otyrady. Kameralyq, orys ult aspaptary, qazaq ult aspaptary orkestrleriniń oryndaýynda klassıkalyq jáne orys, qazaq kompozıtorlarynyń jáne halyq shyǵarmalary oryndaldy. Eń bastysy, dırıjerler forýmy oblystyq fılarmonııadaǵy talanttardy qanattandyrǵany anyq.
– Dırıjerler forýmynyń jaqsy áseri mol. Bizdiń mýzykanttar bir serpilip qaldy, óner sheberlerinen olardyń úıreneri kóp. Sonymen qatar bizdiń fılarmonııa orkestrleriniń repertýary jańaryp, qyzyqty shyǵarmalarmen tolyǵa tústi. О́nerdiń órinde júrgen dırıjerlerdiń kelýi bizdiń ujym úshin sheberlik mektebinen bir de kem emes. Al qostanaılyq óner- súıer qaýymnyń qýanyshy bir bólek, – deıdi oblystyq fılarmonııanyń dırektory Nazymbek Moldahmetov.
Dırıjerlerdiń byltyr ótken alǵashqy forýmynda qostanaılyqtar О́zbekstannyń halyq ártisi Farýh Sadyqovtyń, Qazaqstannyń eńbek sińirgen qaıratkeri Arman Júdebaevtyń, Qazaq ulttyq óner ýnıversıtetiniń professory Ánýar Núsipbaevtyń, reseılik ataqty dırıjerler Sergeı Bezborodov pen Vladımır Lavrıshınniń ónerin tamashalaǵan edi. Olarmen fılarmonııa ujymynda keńesti áńgimeler ótkizilgen bolatyn. Mundaı pikir almasýlar bıyl da ótti.
Forýmnyń qorytyndy konsertinde oblystyq mádenıet basqarmasynyń basshysy Erlan Qalmaqov forýmǵa qatysqan, qonaq bolǵan óner sheberlerine oblys ákimi atynan alǵysyn jetkizdi.
Názıra JÁRIMBET,
«Egemen Qazaqstan»
QOSTANAI
