Shymshaharǵa qarasty Saıram turǵyn alabyndaǵy ózbek etnosynyń beldi azamattary kórshiles Shapyrashty, О́temis, Qyzylsý, Tassaı, Mártóbe, Toǵys, Badam, Qarabastaý turǵyn alaptarynyń abzal qarııalaryn, abyroıly azamattaryn dastarhanǵa syıly qonaq retinde shaqyryp, izetin kórsetti. Merekelik jıynda turǵyndar bir-birine iltıpat bildirip, jergilikti etnos ókilderi qazaq eline degen aqedil alǵysyn jetkizdi.
Merekelik sharaǵa qatysqan QR Parlamentiniń eks-depýtaty, ózbek aqsaqaly Rozaqul Halmuradov halqymyz 4 jyldan beri atap ótip kele jatqan Alǵys aıtý kúniniń mańyzyna toqtaldy.
«О́zderińizge belgili, qıyn-qystaý zamanda qazaq jerine kóptegen halyqtar kúshtep jer aýdaryldy. Sol kezeńde jergilikti jurttyń olarǵa úlken qamqorlyq kórsetkenin, ózderiniń jaǵdaıy aýyr bolsa da, baryn bólisip, tatý-tátti tirlik etkenin etnos ókilderiniń búgingi urpaqtary umytpaıdy. Bul kúnde barlyq qazaqstandyqtardyń bir-birine jáne osy adamdardy jatsynbaı baýyryna basqan, barynsha qamqorlyq bildirgen qazaqtarǵa alǵys aıtýy tamasha dástúrge aınalyp keledi. Bul mereke - birtutastyqtyń, yntymaqtastyq pen tatýlyqtyń merekesi», dedi R.Halmuradov.
Sondaı-aq merekelik basqosýda birqatar el aǵalary quttyqtaý sóz sóılep, yntymaq, birliktiń mańyzy jóninde maǵynaly áńgime órbitti. Qalalyq máslıhat depýtattary, túrli etnomádenı birlestiktiń basshylary eldegi berekeli birlikti saqtaý jaıly sóz qozǵady.
Nurshat TО́KEN,
«Egemen Qazaqstan»
Shymkent
