Aspan asty eliniń qarjygerleri óńirde «Birlesken ónerkásip kásiporyndary parkin» qurmaq nıette. Bul oraıda birneshe baǵytta jumys isteýdi belgilep otyr.Atap aıtqanda, mashına jasaý, onyń ishinde júk kólikterin qurastyrý, aýyl sharýashylyǵy ónimderin qaıta óńdeý, qan zaýytynyń qurylysy, maıly daqyldar jáne bıdaıdy tereń óńdeý boıynsha kásiporyndar ashý bar. Sondaı-aq kabel jáne transformator zaýyttaryn salmaq. 5 jyl ishinde jalpy ınvestısııa kólemi 10 mıllıard dollardy quramaq.
«Jyl boıy birlesken kelissózder júrgizdik. Bizdiń delegasııa Qytaıda bolyp keldi. Barlyq múmkindikter jan-jaqty saralandy. Ozyq jobalardy júzege asyrýǵa daıynbyz», dedi Q. Aqsaqalov.
Azııa damý iskerlik kompanııasynyń bas dırektory Sıý Lı Ren strategııalyq áriptestik aıasynda oń nátıjelerge qol jetetinin senim bildirdi. Ol aımaq basshysyn Qytaıda ótetin «Bir beldeý, bir jol» forýmyna shaqyrdy.
О́mir ESQALI,
«Egemen Qazaqstan»
Soltústik Qazaqstan oblysy
