Osy maqsatta Almatydaǵy «Ortalyq memlekettik arhıvinde» ótken «Elektrondy qujattardyń biryńǵaı muraǵaty» taqyrybyndaǵy dóńgelek ústelde qundy qujattardy elektrondy ári biryńǵaı avtomattandyrylǵan aqparattyq júıege kóshirý máseleleri talqylandy.
Búginde bir mıllıonnan astam qory bar Ortalyq memlekettik arhıv dırektorynyń mindetin atqarýshy Arnur Qarymsaqovtyń aıtýynsha, qujattyq derekkózderdiń tolyqqandy keshenin saqtaý jáne olardy jan-jaqty paıdalaný barysynda sandyq júıeniń róli joǵary. Onyń nátıjesinde kóptegen sırek qoljazbalardy uzaq saqtaýǵa ári ejelgi dáýirlerden qazirgi zamanǵa deıingi kezeńdi qamtıtyn otandyq jáne sheteldik muraǵattar dúnıesine irgerindi zertteýler júrgizýge múmkindik ashylady. Qazirgi tańda memlekettik muraǵattardyń bir mıllıonǵa jýyq tarıhı jazba derekteri izdenýshilerge qoljetimdi. Aldaǵy ýaqytta tolǵandyrǵan suraqtar boıynsha biryńǵaı baılanys ortalyǵy arqyly qujat aınalymyndaǵy arhıv derekteri týraly málimet alýǵa bolady. Al qundy qujattardyń qazynasyn sandyq júıege engizýdiń mańyzdylyǵyna toqtalǵan «InesSoft» jobasynyń jetekshisi Álııa Baıdúısenova aldaǵy ýaqytta kez kelgen izdenýshi arhıv derekkózderine biregeı elektrondyq qor arqyly qashyqtyqtan qol jetkize alatyndyǵyna toqtalyp, birqatar usynystarymen bólisti.
Sharaǵa qatysqan Kıno-foto qujattar men dybys tasbalar ortalyq memlekettik arhıvi, Ǵylymı-tehnıkalyq qujattar ortalyq memlekettik arhıvi, Ortalyq memlekettik arhıvi jáne QR Prezıdenti Arhıvi mamandary aqparatty saqtaý jáne retteýdiń ońtaıly joldaryn qarastyrý týraly pikirlerin bildirdi.
Elvıra Serikqyzy,
«Eqemen Qazaqstan»
ALMATY
