«Rýhanı jańǵyrý» baǵdarlamasy men Elbasynyń «Uly dalanyń jeti qyry» maqalasyn júzege asyrý aıasynda Qor qazaq halqynyń mádenı, ádebı jáne rýhanı jetistikterin damytýǵa baǵyttalǵan jumystaryn jalǵastyrýda jáne osyǵan oraı «Uly dala ańyzdary» onlaın jobasy aıasynda veb-grafıkalyq romandar serııasyn ázirleýdi qolǵa alyp, qazaq, orys jáne aǵylshyn tilderindegi «Qazcomics.kz» veb-saıty men mobıldi qosymshasy n ázirledi», - dedi Memlekettik tildi damytý qorynyń dırektory Azat Sháýeev.
«Uly dala ańyzdary» jobasy «Uly mahabbat týraly jeti hıkaıa» jáne «Qazaq jeriniń uly batyrlary» atty bólimderden, sonymen qatar qazaq halqynyń ǵasyrdan ǵasyrǵa, urpaqtan urpaqqa jetken tarıhy men ańyzdarynan turady. Barlyq ańyzdar kópshilikke Qazaqstannyń kıeli jerleri týraly tolyǵyraq málimet alýǵa múmkindik beredi.
