«Balalarmen birge ashyq qudyqtardy izdestirýdemiz. Shoıyn emes, polımerli lıýkterdi (olardy eshkim urlamaıdy) satyp aldyq. Aýdan ákimdigi ıesiz qudyqtardyń kóp bóligin beton plıtalarmen japty. Keıbireýi qar astynda qalǵan, olardy tabý ońaı emes» dep jazdy aksııanyń bastamashysy, Astana turǵyny Sanjar Boqaev óziniń Facebook-tegi paraqshasynda.
Sanjar Boqaev ákimdik saıtynyń tilshisine aıtyp ótkendeı, eriktiler Jeleznodorojnyı turǵyn alabynan toǵyz ashyq qudyqty taýyp, olardy polımerlik qaqpaqpen japqan. Tórt qaqpaq jeke sektor turǵyndaryna, úsheýi mektep dırektoryna berildi. Qalǵan toǵyz qaqpaq aýdan ákimdigine usynyldy.
«Lıýkter mektepten 200 metr qashyqtyqta ornalasqan. Árıne, jańalyqtarda júzden astam lıýktiń ashyq ekenin aıtyp, asyra siltedi. Biraq qaýip sanyna baılanysty emes. Balalar qar basqan alqapta oınaıdy. Ol jerde oınaýǵa bolmaıdy dep balalarǵa túsindire almaısyń ǵoı. Mektep dırektory lıýk qaqpaqtaryn aýystyrý úshin mektep aýmaǵyndaǵy úsh qudyqty jabýǵa arnalǵan qaqpaqty qaldyrýdy surady. Qaldyrdy. Eger aýdan ákimdigine qaqpaqtar qajet bolsa, alyp ketińiz. Mende áli birazy bar» dep jazdy Sanjar Boqaev.
