Jeńil atletıka • 26 Aqpan, 2019

Aıda Baýyrjanova: Álem kýboginiń fınaly psıhologııalyq turǵydan qıyn soqty

677 ret

kórsetildi

1 mın

oqý úshin

Sporttyq gımnastıkadan Avstralııanyń Melbýrn qalasynda ótken álem kýbogi kezeńinde qazaqstandyq Aıda Baýyrjanova fınalda baq synady. Bizdiń gımnast álem kýbogi kezeńderinde alǵash ret aqtyq synǵa shyqqan bolatyn. Erkin jattyǵý boıynsha jalpy esepte 7-shi oryn ıelengen Aıda Olympic.kz saıtyna shaǵyn suhbat berip, óziniń tyrnaqaldy tabysy týraly baıandady.

Aıda Baýyrjanova: Álem kýboginiń fınaly psıhologııalyq turǵydan qıyn soqty

- Sporttyq mansabymda tuńǵysh ret álem kýbogi kezeńiniń fınalynda óner kórsettim. Negizi, bórene ústindegi jattyǵýdan fınalǵa ótemin degen maqsat bolǵan. Biraq irikteý kezeńinde qatelikke boı aldyryp, aqtyq synnan syrt qaldym. Qýanyshqa qaraı, erkin jattyǵýda úzdiktermen ıyq tirestirip, sheshýshi kezeńge óttim.

Qazaqstan qyzdar quramasynan fınalda jalǵyz ózim ǵana synǵa tústim. Sondyqtan, ýaıym men qobaljý basym boldy. О́ıtkeni, barlyǵy saǵan senim artqandyqtan, jaýapkershilik aýyrlaı túsedi.

Tap osy qobaljýdy jeńý múmkin bolmady. Fınaldaǵy kórsetkishime shekten tys ýaıymǵa salynǵanym áser etken sııaqty. Aldaǵy ýaqytta jaqsy nátıje kórsetip, ózimdi jaqsy ustaýǵa tyrysamyn, - deıdi Aıda.

Eske sala keteıik, Aıda Baýyrjanova Qazaqstan komandasy sapynda 2018 jylǵy Azııa oıyndaryna qatysqan bolatyn.