– Búginde «Nur Otan» partııasy elimizdiń áleýmettik-ekonomıkalyq turǵydan ósip-órkendeýine eleýli úles qosyp, úlken saıası kúshke aınaldy. Partııanyń kezekti sezinde qoǵamdaǵy eń ózekti máseleler aıtylyp, Prezıdent Nursultan Nazarbaev áleýmettik máselelerdi sheshý mindetterin aıqyndap berdi.
Sezde 2030 jylǵa deıingi 10 baǵyttan turatyn jańa baǵdarlama qabyldandy. Bul baǵdarlama halyqtyń áleýmettik, ekonomıkalyq ahýalyn kóterýge baǵyttalǵan. Buǵan qajetti qarjy bólinedi. Halyqtyń ómir súrý deńgeıin jaqsartý eldegi barlyq máselelerdiń oń sheshimin tabýǵa oń áserin tıgizedi. Bıylǵy jyldyń shildesinen bastap memlekettik qyzmetkerlerdiń jalaqysyn 30 paıyzǵa arttyrý bastamasy da adam kapıtalyn arttyrýǵa úlken úles qosady dep senemin.
Bilim salasyna qatysty josparlarǵa toqtalsaq, bilimsiz keleshek joq. Biz álemdik básekelestikke qadam bastyq. Sol básekelestikte jeńiske jetýdiń, basyp ozýdyń birden-bir joly – bilikti, bilimdi jastar tárbıeleý. Partııa osy sala boıynsha da tıisti sharalardy júzege asyrýda.
Erlan SYDYQOV,
L.N.Gýmılev atyndaǵy Eýrazııa ulttyq ýnıversıtetiniń rektory, tarıh ǵylymdarynyń doktory, professor
