Jeńimpazdar «Ásker barysy» ataǵyn ıelený quqyǵyna QR QK-nyń chempıonatyna qatysady. Balýandarǵa 80 kelige deıin jáne 80 keliden joǵary eki salmaq dárejesinde baq synasýǵa týra keldi. Saıys qorytyndysy boıynsha kelisimshart boıynsha áskerı qyzmetshi Muratbek Aekeshov «Ásker barysy» ataǵynyń jeńimpazy men júldegeri atandy. Al jeńil salmaqta merzimdi áskerı qyzmettiń qatardaǵy jaýyngeri Tursyn Baızaq jeńimpaz atandy. Jalpy komandalyq esepte Aqtóbe komandasy birinshi oryndy, Atyraý ekinshi, al úshinshi oryndy Aqtaý komandasy jeńip aldy. Irikteý saıysynyń jeńimpazdary aǵymdaǵy jylǵy naýryzdyń 15-i men 17-i aralyǵynda Semeı qalasynda ótetin «Ásker barysy» ataǵyn ıe bolý quqyǵyna QR Qarýly Kúshteriniń chempıonatyna qatysady. Qazaqstan armııasynda dene daıarlyǵy men sport jaýyngerlik daıarlyqtyń negizi bolyp tabylatynyn aıta ketý qajet. Ofıserler men kelisimshart boıynsha áskerı qyzmetshiler udaıy negizde prezıdenttik testiler, aı saıyn dene daıarlyǵy boıynsha normatıvter tapsyrady. Al jyl sońynda qorytyndy tekseriste ózderiniń kórsetkishterin rastaıdy.
