2019 jyldyń 1 qańtarynan bastap elimizde Biryńǵaı jıyntyq tólem (BJT) iske qosyldy. Biryńǵaı jıyntyq tólem ózin-ózi jumyspen qamtýshy jeke tulǵalardyń beıresmı qyzmetin tirkeýdi ońaılatýǵa baǵyttalǵan. Sol arqyly tórt mindetti tólemdi: memlekettik kirister organyna tólenetin jeke tabys salyǵyn, Biryńǵaı jınaqtaýshy zeınetaqy qoryna tólenetin mindetti zeınetaqy jarnalaryn, Memlekettik áleýmettik saqtandyrý qoryna tólenetin áleýmettik aýdarymdy jáne Mindetti áleýmettik medısınalyq saqtandyrý qoryna tólenetin áleýmettik aýdarymdy bir tólemmen júzege asyrýǵa bolady. Osylaısha BJT tóleý múmkindigine ıe azamattar barlyq tólemderdi ońaılatylǵan tártipte tólep, áleýmettik qamsyzdandyrý júıesine qatysa alady, dep habarlaıdy zeınetaqy qorynyń baspasóz qyzmeti.
Budan basqa BJT tóleýshi qazaqstandyqtar jınaqtaýshy zeınetaqy júıesine qatysyp, jınaqtaryn molaıtady jáne qatysý ótiline qaraı memlekettik bazalyq zeınetaqyny joǵary mólsherde alýǵa úmit arta alady.
Aınash ESALI,
«Egemen Qazaqstan»
ALMATY
