Kezdesýge Bıznes mektep pen Injenerlik jáne jaratylystaný ǵylymdarynyń dekandary, ýnıversıtettiń beldi oqytýshylary qatysty. Taraptar dýaldy oqytý, bilim berý baǵdarlamasyn ındýstrııaǵa ıkemdeý, sapaly adamı kaıtaldy ázirleý, sonymen qatar ortaq jobalardy júzege asyrý boıynsha negizgi baǵyttardy ortaǵa saldy. Indýstrıaldy aımaqtyń bas dırıektory Muhtar Týrabekov SDÝ ókilderin aımaq alańynda ornalasqan barlyq óndiris oryndarynyń qyzmetimen tanystyra otyryp, bilim berý men bıznestiń tyǵyz baılansyta ortaq seriktestik ornatýynyń mańyzdylyǵyn atap ótti.
«Mamandar máselesine kelsek, Indýstrıaldy aımaqtyń barlyq kásiporyndarǵa bilikti mamandar tapshy. Bıznes qaýymdastyqtyń ortasynda júrgen soń, olardyń mamandarǵa baılanysty kókeıkesti suraqtary árdaıym nazarymyzda júredi. Aıta ketken jón, SDÝ Qazaqstanda da, shetelde de óziniń sapaly bilim berý júıesimen tanymal. Biz SDÝ-dy beldi IT ýnıversıtet retinde de tanımyz. Balashaqta qoldanbaly ındýstrııaǵa suranys arta túsedi. Sondyqtan ýnıversıtetpen qarym-qatynas bizge jańa múmkindikterge jol ashady», dedi Muhtar Turabekov.
О́z kezeginde SDÝ rektory Qanat Qojahmet dýaldy bilim berý júıesi álemdegi kásibı-tehnıkalyq kadrlardy daıarlaýdyń eń tıimdi nysandarynyń biri bolyp tabylatynyn atap ótip, sondaı-aq ýnıversıtettiń osy sátten bastap yntymaqtastyq ornatatýǵa ázir birqatar naqty salalaryn usyndy.
«Aıta ketsek, SDÝ fakýltetteri aımaq kásiporyndaryna zertteý turǵysynda konsaltıng qyzmetin kórsetýge ázir. Sonymen qatar, dýaldy oqytý aıasynda stýdentterdi aımaq mekemelerine óndiristik tájirıbege jiberý jáne keleshekte ortaq jobalardy birlese otyryp júzege asyrý», dedi Qanat Qojahmet.
Eki jaqty kelissózder barysynda taraptar elimizdiń zııatkerlik elıtasyn qalyptastyrý, bilim berý sapasyn qamtamasyz etý salasynda tıimdi yntymaqtastyq ornatý, eńbek naryǵynda suranysqa ıe básekege qabiletti bilikti mamandar daıarlaý, sondaı-aq birlesken bilim berý baǵdarlamalaryn iske asyrý boıynsha Memleket basshysy belgilegen basymdyqtardy iske asyrýǵa baǵyttalǵan ózara yntymaqtastyq týraly Memorandýmǵa qol qoıdy.
Is-sharanyń resmı bóliminen keıin SDÝ delegasııasy Indýstrııaldy parktiń birqatar nysandaryn aralap, jergilikti kásiporyndardyń qaǵaz paketterin shyǵarý, kartrıdjder, metall qurylymdaryn óndirý, sondaı-aq kókónis daqyldaryn ósirý jónindegi jylyjaı kesheniniń qyzmetimen tanysty. Barlyq kásiporyn basshylary delegasııa quramyna óndiristik sehtar boıynsha tanystyrý ekskýrsııalaryn ótkizip, shyǵarylatyn otandyq ónimder týraly baıandady.
