Aǵymdaǵy jyldyń basynan (2019j. aqpan 2018j. jeltoqsanǵa) baǵanyń ósýi jańa jınalǵan kókinisterge – 28,1%, unǵa – 4,1%, kúrishke – 3,1%-ǵa, muzdatylǵan balyqqa, jańa jınalǵan jemisterge – 2,6%-dan, máıekti irimshikke – 2,3%-ǵa, jumyrtqaǵa, nanǵa, qus etine – 2%-dan, makaron ónimderine – 1,7%-ǵa, sary maıǵa, shujyq ónimderine – 1,6%, jylqy etine, et ónimderine, jańa saýylǵan sútke – 1,5%,qoı etine, toqash jáne unnan daıyndalatyn ónimderine – 1,4%-dan, shoshqa etine – 1,1%, kondıterlik ónimderge 0,9%-ǵa belgilendi. Temeki ónimderi – 4,4%, salqyndatylǵan sýsyndar – 2,2%, alkogoldi ishimdikter 2%-ǵa qymbattady. Baǵanyń tómendeýi qumshekerge – 2,7%, qaraqumyq jarmasyna – 1,3%, súzbege 0,8%-ǵa tirkeldi.
Baǵa ósimi farmasevtıkalyq ónimderge – 1,9%, toqyma buıymdaryna – 1,4%-dy, jeke qoldanatyn taýarlarǵa, avtomobılderge – 1,3%, jıhaz jáne úıge qajetti zattarǵa, jýǵysh jáne tazalaǵysh quraldarǵa, kıim jáne aıaq kıimge – 1,1%-dan, turmystyq aspaptarǵa 1%-dy qurady. Benzın – 2,6%, tas kómir – 1,8%, dızel otyny 0,8%-ǵa arzandady.
Baǵa deńgeıi quqyqtyq, jeke kólik quraldaryn saqtandyrý qyzmetterine – 5%-dan, densaýlyq saqtaý qyzmetterine – 1,8%, qoǵamdyq tamaqtandyrý qyzmetterine – 1,1%, kabeldik televızııa qyzmetterine – 1%, shashtarazdar men jeke qyzmet kórsetý oryndary qyzmetterine 0,8%-ǵa ósti. Jolaýshylardyń temir jol kóligimen jol júrý aqysy – 5,4%, áýe kóligimen 5,3%-ǵa arzandady.
Turǵyn úı-kommýnaldyq qyzmetter salasynda tarıfter ortalyqtan jylytýǵa – 11%, sýyq sýǵa – 7,5%, kárizge – 6,9%, ystyq sýǵa – 6,6%, elektr energııasyna – 4,7%, taratý jelileri arqyly tasymaldanatyn gazǵa – 4,1%, qoqys shyǵarýǵa 3,4%-ǵa tómendedi.
