Respýblıkanyń soltústik bóliginde keı jerlerde qar, burqasyn, kóktaıǵaq boljanady. Ońtústik bóliginde jaýyn-shashyn (arty jańbyrǵa ulasatyn qar), tuman, kóktaıǵaq. Aýa temperatýrasy soltústik bóliginde túnde 0...5, keı jerlerde 10 gradýs aıazǵa deıin, kúndiz 0...5 jylyǵa deıin kóteriledi; ońtústik bóliginde túnde 0...5, keı jerlerde 10, kúndiz 10...18 gradýsqa deıin kóteriledi.
5-7 naýryz aralyǵynda Reseıdiń ońtústik bóligi aımaǵynan kelgen sýyq antısıklon búkil respýblıka aýmaǵynda aýa temperatýrasynyń tómendeýine sebep bolady. Soltústikte, shyǵysta, ortalyqta synap baǵanasy túnde 10...15, keı jerlerde 20 gradýs aıazǵa deıin tómendeıdi. Batysta ońtústikte, ońtústik-shyǵysta túnde 2...7 gradýs aıazǵa deıin tómendeıdi.
Halyqaralyq áıelder kúni jáne demalys kúnderi aýa raıy qaıta jylynady, kúndiz batysta, ońtústik-batysta 3...8 gradýs jyly bolady. Soltústikte, shyǵysta, ortalyqta mınýs 5 gradýs aıaz bolady. Ońtústikte, ońtústik-shyǵysta 10...15 gradýsqa deıin jylynady.
Aıdyń ekinshi jartysynda sýyq qaıtýy múmkin.
