Bas hatshy Baǵdad Ámireev 2019 jylǵy 1-2 naýryzda Birikken Arab Ámirlikteriniń Ábý-Dabı qalasynda ótken Islam yntymaqtastyǵy uıymy (IYU) Syrtqy ister mınıstrleri keńesiniń 46-shy otyrysy aıasynda О́zbekstan Syrtqy ister mınıstri Abdýlazız Kamılovpen ekijaqty kezdesý ótkizdi.
2018 jyldyń 3 qyrkúıeginde Cholpon-Ata qalasynda ótken Túrki keńesiniń 6-shy sammıti barysynda О́zbekstan Respýblıkasynyń Prezıdenti, joǵary mártebeli Shavkat Mırzııoevtiń atap ótken máselelerge toqtalǵan Bas hatshy, Syrtqy ister mınıstrine taýar aınalymyn ulǵaıtý, túrkitildes memleketterdiń jeke sektorlary arasyndaǵy ınstıtýsıonaldyq baılanystardy ornatý, sondaı-aq, shaǵyn jáne orta kásiporyndarǵa berilgen qarjy resýrstaryn ártaraptandyrýǵa baǵyttalǵan, Túrki keńesiniń, ásirese, ekonomıka salasynda atqaryp jatqan bastamalary týraly aıtty.
Osy turǵyda taraptar, О́zbekstannyń, Shavkat Mırzııoevtiń bastamasymen bıyl Tashkentte ótetin Túrki iskerlik keńesiniń kezekti otyrysy men túrkitildes memleketterdiń jyl saıynǵy bıznes-forýmy sııaqty Túrki keńesiniń mańyzdy is-sharalaryna qatysýy týraly pikir almasty. Bas hatshy Ámireev Syrtqy ister mınıstri Kamılovty Birlesken túrki saýda-ónerkásiptik palatalaryn qurý jóninde hatshylyqtyń istep jatqan jumysy týraly habardar etti.
Túrki keńesiniń jumysynda baıqalyp otyrǵan dınamıkalyq úrdisterdiń О́zbekstan úshin úlken qyzyǵýshylyq týdyratynyn jetkizgen Syrtqy ister mınıstri Qamılov, О́zbekstannyń osy úderistiń bir bóligi bolýǵa jáne, ekonomıka salasyna basymdyq berilgenin de atap ótip, ózara múddeler negizinde yntymaqtastyqty damytýǵa daıyn ekenin aıtty. Mınıstr osy bastamalar aıasynda yntymaqtastyq múmkindikterin ári qaraı qarastyrý maqsatynda Bas hatshyny Tashkentke shaqyrdy.
Atalǵan kezdesýge Joba dırektory О́zge Pan da qatysty.
