Jıyndy ashqan Gúljanar Shókeeva jastar arasyndaǵy til saıasatyn júrgizýdiń mańyzdylyǵyn atap ótti.
Qazaq tili álipbıin kırıllısadan latyn grafıkasyna aýystyrý «Rýhanı jańǵyrýdyń» eń negizigi baǵyty dep aıtýǵa bolady. Sebebi, latyn álipbıi – Uly dala elin álemdik órkenıetpen qabystyratyn altyn kópir, – dedi basqarma basshysy.
Jıynda Jastar jyly Aqmola oblysynda birqatar jobalar júzege asyrylatyny aıtyldy. Osy oraıda, memlekettik saıasatty halyqaralyq, respýblıkalyq jəne jergilikti deńgeıde júzege asyrýdyń basty baǵyty men jastardyń jan-jaqty damýy týraly Aqmola oblysynyń ishki saıasat basqarmasy jastar saıasaty máseleleri boıynsha bólim basshysy Damır Irgebaev aıtyp berdi.
Ol jastardyń əleýmettik máseleleriniń sheshilýi jaıyna toqtaldy.
2018 jyly tıimdi jumyspen qamtýdy jáne jappaı kəsipkerlikti damytý boıynsha 2017-2021 jyldarǵa arnalǵan baǵdarlamaǵa 5615 adam qatysty. Jyl ishinde eńbekpen qamtý organdary arqyly 4830 jas jumysqa ornalasty. Kókshetaý qalasynda «Aqmola jastary» baǵdarlamasy boıynsha 424 jas otbasyna arnalǵan 6 turǵyn úı salynatyn bolady. Kezdesýde jastar belsendileri sóz alyp, óńir jastary arasynda memlekettik tildi keńinen qoldaný týraly óz oılaryn ortaǵa saldy.
– Qazaq tili – óte baı til. Tilimizdiń mártebesin kóterý úshin, eń aldymen ózimiz bir-birimizben qazaqsha sóılesýimiz kerek,-deıdi Ádilet Serik.
Jıyndy qorytyndylaǵan oblystyq ishki saıasat basqarmasynyń basshysy Gúljanar Shókeeva elimizdiń keleshegi bilimdi jastardyń qolynda ekenin aıta kele, osy kúni sóz bolǵan jastardyń árbir usynys-tilekteri eskerilip, aldaǵy ýaqytta sol boıynsha jumys júrgiziletindigin atap ótti.
Baıqal BAIÁDIL,
«Egemen Qazaqstan»
Aqmola oblysy
