- «Atandym óz tusymda Tóleý aqyn» kitaby Abaıdy zertteýshiler úshin asa qajetti taptyrmas dúnıe,-dedi Shynar Muratqyzy óz estelikterimen bólise kele,-atamyz Tóleý- uly aqyn Abaıdyń ózimen birneshe ret júzdesip, aqyl-keńesin alǵan. Kóptegen derekterdi oqyrman qaýym osy kitap arqyly tanysyp, bile alady. Abaıtanýshy Qaıym Muhamedhanov Tóleý Kóbdikovty «Abaıdyń aqyn shákirtteriniń biri» dep baǵalaǵan. Jasynan Abaıdan tálim alǵan Tóleý aqynnyń saqtalǵan jáne birazy jaryq kórgen tarıhı óleńderiniń basyn qurap, osy kitapqa tolyqtaı engizýge tyrystym. Soǵystan keıingi jyldary jazǵan 1945 jylǵy «Abaı» poemasy jáne 1946 jylǵy «Qazaqstan» atty kólemdi tolǵaýlary áli kúnge deıin halyq jadynda.
Abaı kitaphanasynda ótken tusaýkeser rásimge arnaıy kelgen Jarma aýdanynyń turǵyny, aqynnyń shóberesi Esentaı Quljanbekov atasy týraly estelik áńgimelerimen bólisti. Sondaı-aq, «Abaı álemi» serııasy jobasynyń Bas redaktory, jazýshy, «Qurmet», «Parasat» ordenderiniń ıegeri Medeý Sárseke jáne Shákárim atyndaǵy memlekettik ýnıversıtetiniń kafedra meńgerýshisi Araı Júndibaevalar jıynǵa qatysýshylarǵa aqynnyń ónegeli ómirimen qatar, shyǵarmashylyq jolynan, poezııasynan mol maǵlumattar berdi. Sharaǵa qalamyzdyń zııaly qaýym ókilderi, aqynnyń týystary jáne Qazaq ınnovasııalyq-gýmanıtarlyq zań ýnıversıtetiniń, M.O.Áýezov atyndaǵy pedagogıkalyq kolledjiniń stýdentteri qatysty.
Raýshan NUǴMANBEK,
«Egemen QAZAQSTAN»
Sýretti túsirgen avtor
SEMEI
