2018 jyly 2017 jylmen salystyrǵanda Qazposhta kirisi 11%-ǵa ósip, taza paıda 272 mln teńgeni quraǵan. О́tken jyldyń maýsymynda seriktestik jelilerin iske qosqan poshta operatory búgingi kúni 200 saýda núktesi bar 160 franchaızıngpen aınalysatyn kásipkerdi seriktestikke tartqan.
- Jóneltilimderdi tez arada óńdep, olardy jetkizý ýaqytyn barynsha qysqartý úshin, sondaı-aq múmkindiginshe yńǵaıly qadaǵalaýdy júzege asyrý úshin biz jaqynda jańa esepke alý júıesin iske qostyq,-dedi Sáken Sarsenov.
Onyń aıtýynsha, ol ınternet-dúkendermen ózara árekettesýdi jeńildetedi. Bul kez kelgen júıelik ıntegrasııa men derekter almasýdy júzege asyrýǵa múmkindik beredi. Osydan soń sálemdemelerdi jetkizý ýaqyty da aıtarlyqtaı qysqarady dep kútilip otyr. Mysaly, endi sálemdemeler Qazaqstan boıynsha 4 kún ishinde jetkizilmek.
Kompanııa 2019 jylǵy «Qorǵas» shekara mańy yntymaqtastyǵynyń halyqaralyq ortalyǵyndaǵy keden qoımasyn ashý, Qytaıdan Eýropaǵa jáne Ortalyq Azııaǵa poshtalyq jóneltilimderdiń tranzıtin, elektrondyq kommersııa men franchaızıngtik jelini, sondaı-aq sıfrlyq jobalardy damytý sııaqty maqsattar qoıyp otyr.
Sáken Sársenov 2018 jyly «Qazposhta» AQ post.kz onlaın-qyzmetteriniń gıpermarketin damytýǵa jete nazar aýdarǵanyn aıtyp ótti.
Sonymen qatar kompanııa shaǵyn jáne orta bıznes ókilderine elektrondyq kommersııa negizderin E-commerce ortalyqtarynda oqytýdy jalǵastyrady. Osy jyly 1500-den astam kásipkerdi oqytýdy josparlap otyr.
Saltanat ShYNÁDIL,
EUÝ stýdenti
