Rasynda, bul jurt kútpegen tosyn sheshim boldy. «Bul qalaı boldy? Júregimiz aýyryp ketti. Shynymen endi Prezıdent bolmaı ma?» dep maǵan aqsaqaldar alańdaýshylyǵyn bildirip, habarlasyp jatyr. Shynymen de, bárimizdiń boıymyzda qımastyq sezim bar. Ol kisiniń elimizge sińirgen eńbegin sózben jetkizý múmkin emes shyǵar. Nebári 30 jyldyń ar jaq, ber jaǵynda Qazaqstandy tórtkúl dúnıege tanytty. Elbasynyń elimizge, jerimizge sińirgen eńbegin, memleketti aıaǵynan qaz turǵyzýǵa qosqan úlesin eshbir tulǵamen salystyrýǵa kelmeıdi.
Búginde Nazarbaev pen Qazaqstan egiz uǵymǵa aınalǵanyn eshkim joqqa shyǵara qoımas. О́zim 80 jyldyq sanaly ǵumyrymnyń kópshiligin el ishinde, oblystyń Zaısan, Tarbaǵataı, Kúrshim sekildi aýdandarynda ótkizdim. Aýyl sharýashylyǵy salasynda eńbek ettim. Bul salanyń jaı-kúıin jaqsy bilemin. Nursultan Ábishulynyń aýyl sharýashylyǵy salasyna jasaǵan qamqorlyǵyn tańdy tańǵa uryp aıtýǵa bolady. Táýelsizdik jyldarynda memleket eńbek etemin, kásip ashamyn degen azamattardyń eshqaısysynyń qolyn qaqqan joq. Qarapaıym sharýalarǵa memleket tarapynan barlyq jaǵdaı jasalyp otyr. Sýbsıdııa deseńiz sýbsıdııa, jeńildetilgen nesıe deseńiz nesıe berilip jatyr. Budan artyq qandaı qamqorlyq qajet?! Sondyqtan táýelsiz Qazaqstannyń negizin salýshy Tuńǵysh Prezıdentimizdiń bul sheshimi bizdi tolqytqany, tebirentkeni ras.
