Aıtýly joba Memleket basshysy Nursultan Nazarbaevtyń bastamasymen qolǵa alynǵan «Rýhanı jańǵyrý» baǵdarlamasynyń basty baǵyttarynyń biri sanalatyn «Jahandaǵy zamanaýı qazaqstandyq mádenıet» jobasy negizinde júzege asyryldy. Qazirgi qazaq ádebıeti úlgilerin BUU-nyń 6 tiline aýdarýdy maqsat tutqan aýqymdy jınaqqa proza jáne poezııa baǵyttary boıynsha barlyǵy 60 avtordyń shyǵarmasy endi.
«Bul – Brıtanııa jáne Batys halqyn ádebıetimiz arqyly elimizdiń tarıhy men mádenıetin tanystyrýǵa baǵyttalǵan óte mańyzdy joba. Elshi retinde Qazaqstanǵa degen qyzyǵýshylyqtyń kún sanap artyp jatqanyn kórý – men úshin úlken qýanysh. Bul joba osyndaı qyzyǵýshylyqty ári qaraı arttyryp, nyǵaıta túsetin katalızator bolady degen senimdemin», dedi E.Ydyrysov.
Kórme sheńberinde halyqaralyq iri baspa uıymdarynyń ókilderimen Qazaqstanda iske asyp jatqan «Jańa gýmanıtarlyq bilim. Qazaq tilindegi 100 jańa oqýlyq» jobasynyń barysy talqylandy. Atap aıtsaq, «Cambridge University Press», «Oxford University Press», «Pearson» jáne ózge de tanymal baspalar jańa oqýlyqtary men kitaptaryn «Ulttyq aýdarma bıýrosyna» tanystyryp, olardy aýdarma jobasyna qosýdy usyndy.
Sondaı-aq, aıtýly kitap kórmesinde «Atamura» korporasııasynyń «Kazakhstan Geography. Atlas», «Dombyra», «The Kazakh Customs and Traditions», «Flowers of Kazakhstan», «The traditions of the Kazakh dastarkhan», «Mektep» baspasynyń «Kazakh Ornament», «Almatykitap» baspasynyń «Alpamys Batyr», «Koblandy Batyr», «Kozy Korpesh – Bayan Sulu», «National Clothes of Kazakh People», «Felt Art of Kazakhs» sııaqty qazaq jáne aǵylshyn tilderinde basylǵan qazaq mádenıetiniń túrli aspektileri jaıyndaǵy tanymdyq basylymdary brıtandyq oqyrmandardyń qyzyǵýshylyǵyn týdyrdy. Ásirese «Ulttyq aýdarma bıýrosy» usynǵan Ilııas Jansúgirovtiń aǵylshyn tiline tuńǵysh ret aýdarylǵan «Qulager» poemasy kópshiliktiń suranysyna ıe boldy. Ulttyq aýdarma bıýrosy qarjylandyrǵan bul basylymnyń aǵylshyn tilindegi aýdarmasyn brıtandyq aqyn Belında Kýk jasady.
Jınaqtardyń aǵylshyn tilindegi nusqasy osy jyldyń qyrkúıeginde jaryqqa shyǵady dep josparlanǵan. Ony aǵylshyn tiline aýdarý, basyp shyǵarý jáne taratý jumysymen «Cambridge University Press» baspa úıi aınalysady. Tanymal ýnıversıtet baspasy jobaǵa tájirıbeli aýdarmashylar men bedeldi ádebıetshi mamandardy tartqan. О́zge tilderdegi antologııalardy aýdaryp basý jáne nasıhattaý isine Ispanııa, Qytaı, Mysyr, Reseı jáne Fransııa memleketteriniń jetekshi baspa uıymdary atsalysady. Aıtýly joba keleshekte otandyq baspa ókilderiniń halyqaralyq iri baspa uıymdarymen jan-jaqty ári ónimdi qarym-qatynas ornatýyna keń jol ashady dep kútilýde.
Nazerke JUMABAI,
«Egemen Qazaqstan»
