«Men úıde otyramyn, kúıeýim jumys isteıdi, osyǵan deıin páter jaldap júrdik, qıyn, árıne. Endi keń, jyly páterge ıe boldyq, alǵymyz kóp» deıdi Symbat.
«Bul jumystar áleýmettik áriptestik jónindegi memorandým aıasynda júzege asyp otyr. Jaqynda ǵana bizdiń kásiporyn men Taran aýdany ákimdigimen memorandýmǵa qol qoıylǵan bolatyn. Bıyl áleýmettik jumysymyzda kópbalaly otbasylaryna kómek berý basymdyqqa ıe bolady. Mereke aldynda birneshe otbasyǵa úıdiń kiltin tapsyrdyq, odan basqa Asenkrıtov selolyq okrýginde jıyrma otbasyna azyq-túlik aparyp beremiz» deıdi «Varvarınskoe» JShS buqaramen baılanys bóliminiń basshysy Anton Trýhanov.
Áıet selosynda Myrzashevtardan basqa taǵy da úsh otbasy, ıaǵnı alty bala tárbıelep otyrǵan Smotrovtar, bes balasy bar Medvedevter, bes bala ósirip otyrǵan Qanabaevtar otbasylary da qonys toıyn toılady. Olardyń barlyǵy da osyǵan deıin úısiz, páter jaldap turǵan edi.
Taran aýdanynda 142 áleýmettik az qorǵalǵan otbasy turady. Aýdanda 25 myń turǵyn bolsa, sonyń arasynda 120 kópbalaly otbasy bar. Osy otbasylardyń ishinde jeteýi baspanaǵa zárý edi, olardyń altaýy qazirdiń ózinde úımen qamtamasyz etildi.
Názıra Járimbet,
«Egemen Qazaqstan»
Qostanaı
