Eýropalyq odaq syrtqy saıasat qyzmetiniń resmı ókili Maııa Kosıanchıch Elbasy Nursultan Nazarbaevtyń Qazaqstan Prezıdenti ókilettigin toqtatý sheshimine oraı pikir bildirdi.
«Prezıdent Nursultan Nazarbaevtyń otstavkasy jaıynda bildik. Ol Qazaqstannyń Prezıdenti bolǵan 30 jylǵa jýyq ýaqyttyń ishinde konstıtýsııalyq reformalardy qosa alǵanda jańǵyrý reformalaryn ilgeriletti. Prezıdent Nazarbaev beıbitshilik, turaqtylyq pen qaýipsizdikke járdemdesýge aıryqsha mán bere otyryp, óńirlik, sonymen qatar jahandyq deńgeıdegi yntymaqtastyqty damytýda mańyzdy rólge ıe boldy», dedi M.Kosıanchıch. Sonymen qatar ol Qazaqstan Eýropalyq odaq úshin mańyzdy óńir bolyp qala beretindigin basa aıtty. «Eýropalyq odaq úshin óńirdegi mańyzdy seriktes bolyp qala beretin Qazaqstan Ortalyq Azııa elderiniń ishinde EO-men keńeıtilgen seriktestik jáne yntymaqtastyq týraly kelisimge eń birinshi qol qoıǵan edi. Eýropalyq odaq Qazaqstannyń eń birinshi saýda seriktesi ári ınvestory bolyp sanalady», dedi ol.
