Nursultan Nazarbaev sanaly ǵumyryn memlekettilikti qalyptastyrýǵa arnap, halqyn shýaqty kúnderge jetkizdi. Elin shyńǵa shyǵaryp, aımaqqa hám álemge tanytty. Ol 1990 jyldardan bastap ár qadamy arqyly túrki rýhyn asqaqtatýǵa baǵyttalǵan josparlardyń dánin seýip, búgingi Túrki áleminiń yntymaǵyna qol jetkizgen qaıratker. Tarıhty da jazdy, ózi de tarıh jasady. Eshkimniń aldynda eldiń eńsesin túsirgen joq. Erlerdiń maıdanyna er sııaqty shyqty. Sóıtti de Qaǵanǵa laıyq is jasady. Ol – uly adam! Ol – dana! Ol – Bilge! Kez kelgen sátte durys sheshim qabyldaıdy. Sol sebepti, birneshe aı buryn qazaqstandyqtar men kúlli Túrki álemine arnap «Uly dalanyń jeti qyry» atty baǵdarlamalyq maqalasyn jazyp, túrki halyqtaryna nasıhat aıtty.
Dana qaǵanymyz budan keıin de Túrki áleminiń birligi úshin eńbek etedi. Nursultan Nazarbaev kók suńqarlarynyń baıraq ustaýshysy, Táńiri súıgen, Táńirin súıgen túrki áleminiń Kóshbasshysy! Sizdi baýyrlas Ázerbaıjan eliniń halqy da súıedi!
Sózimniń sońynda myna bir jaıdy atap ótkim keledi, meniń taǵdyr-talaıyma Qazaqstanda eki márte prezıdent saılaýyna baqylaýshy bolyp qatysý jazylypty. Sol kezderde halyqtyń shyn yqylaspen daýys berýge barǵanyn, saılaý ýchaskelerinde oǵan daýys berýge asyqqanyn kórgenmin. Halqynyń súıispenshiligine bólený kez kelgen bıleýshiniń mańdaıyna jazylmaıdy. Nursultan Nazarbaev óz esimin myńjyldyqtar tarıhyna altyn áriptermen jazǵan tulǵa.
Aıda EIVAZOVA,
jýrnalıst (Ázerbaıjan)
