Nursultan Nazarbaevtyń Prezıdenttik ókilettigin tapsyrý týraly málimdemesi – bıylǵy basty saıası sensasııa. Memleket basshysynyń mundaı sheshimin kútpegen qazaqstandyqtardyń jaǵdaıyn jaqsy túsinemin. О́ıtkeni kópshilik Nazarbaevtyń prezıdenttik bıligin adamzattyń múmkinshiligi jetpeıtin bıiktik retinde esepteıtin edi.
Alaıda Nazarbaev óz jaǵdaıyna ózi ıe ekenin kórsetip, saıasattyń alyby ekenin dáleldedi. Ol eshqandaı qıyndyq týdyrmaı, ornynan ketti. Endi óz erkimen bılikten ketken soń, Qazaqstan basshysynyń kemeńger bolǵanyn tolyq senimmen aıta alamyz. Álemde ony synaǵandar az bolǵan joq. Biraq Nazarbaev Qazaqstandy qıyn kezeńnen alyp ótip, halyqaralyq qoǵamdastyq qurmettep, syılaıtyn memleketke aınaldyryp, oń ımıdjin qalyptastyrdy. Bul orasan erlik.
Sondyqtan óz baǵasyn berý qajet. Nazarbaev kánigi saıasatker ǵana emes, kemeńger adam ekenin de kórsetti. Shyndyǵynda, bul eń qıyn másele bolatyn. Ásirese 30 jyl boıy saıasatta júrgen tulǵa úshin de. Bul joly da Nazarbaev bıikten kórindi. Ol qoǵam kútken ózgeristi jasaıtyn ýaqytty dál taba bildi.
Iá, keı jaǵynan alǵanda ol Borıs Elsınniń áreketin qaıtalady deýge bolar. Biraq odan aıyrmashylyǵy Nursultan Ábishuly shynaıylyqtyń kelbetin kórsete bildi. Bul óte durys qadam boldy. Onyń ústine, N.Nazarbaev óziniń densaýlyǵy myqty ekenine qaramastan, osyndaı sheshim qabyldady. Qysqasha aıtqanda, ol tarıhta qalý úshin ketti deýge bolady. Ult kóshbasshysy ǵana emes, Qaýipsizdik Keńesiniń basshysy retinde qyzmetin jalǵastyrady. Osy oraıda, Qazaqstan tarıhynda esimin altyn árippen jazý úshin ornyn bosatty.
Endigi jerde Nazarbaevtyń joly basqasha órbıdi. Bul tarıhtyń ózgermes deregi. Alaıda bir nárse anyq. Táýelsiz Qazaqstannyń aýyr júgi onyń moınynan túspek emes. О́z kezeginde N.Nazarbaev Elbasy retinde uzaq ári tabysty jolyn jalǵastyra beredi.
Osmonakýn IBRAIMOV,
professor, Qyrǵyzstannyń memleket jáne qoǵam qaıratkeri
