Buǵan deıin Táýelsizdik ataýyn ıelengen kórikti kósheniń jalpy uzyndyǵy 6,8 shaqyrym bolsa, keńdigi 16-18 metr shamasynda. Qalanyń shyǵys qapasynan bastalyp, ortalyq alańyna ákeletin bul kóshe boıynda Tuńǵysh Prezıdent Nursultan Nazarbaevtyń eskertkishi, belgili qoǵam qaıratkerlerine ornatylǵan eskertkishter oralasqan.
Sondaı-aq, kóshe qaptalynda bes demalys skveri, onyń ishinde elimizdiń memlekettik rámizderine arnalǵan keshen, 1 ortalyq alań, 1 ortalyq saıabaq, 1 akvapark jáne 1 joǵary oqý orny, 5 kolledj, 2 jalpy orta bilim beretin mektep, Almaty oblysy ákimdiginiń ǵımaraty, 2 iri memlekettik mekemeniń ákimshilik ǵımarattary, I.Jansúgirov atyndaǵy Mádenıet saraıy, Ilııas Jansúgirovtyń ádebı murajaıy, 1 balalar emhanasy, strategııalyq mańyzy joǵary nysan bolyp tabylatyn obaǵa qarsy stansa, 2 balabaqsha, 5 iri saýda orny, meıramhanalar qonystanǵan.
Qalmahanbet MUQAMETQALI,
«Egemen Qazaqstan»
Almaty oblysy
