Juptyq básekede Qytaı sportshylary Sýı Venszın men Han Sýnge teń keler eshkim tabylmady. 155,60 upaı jıǵan Aspanasty eliniń ókilderi altyn tuǵyrǵa kóterildi. Kúmis medaldi Evgenııa Tarasova men Vladımır Morozov ıelendi. Reseılik jup 147,26 upaıdy qorjynǵa saldy. Úzdik úshtiktiń fransııalyq Vanessa Djeıms pen Morgan Sıpre qorytyndylady. Olar 146,52 upaıdy enshiledi.
Sanaýly saǵattardan keıin áıelder arasynda jekelegen saıystyń jeńimpazdary men júldegerleri anyqtalady. Esterińizge sala keteıik, qysqa baǵdarlamada Qazaqstannyń úmiti Elızabet Tursynbaeva 75,96 upaı jıyp, úshinshi oryndy ıelengen bolatyn. Birinshi jáne ekinshi satyǵa reseılik Alına Zagıtova (82,08 upaı) men Kaorı Sakamoto (76,86 upaı) jaıǵasty. Qazir erkin baǵdarlama boıynsha básekeler ótedi. Sol jarysta biz qazaq qyzy Elızabetke sáttilik tileımiz!
Ǵalym SÚLEIMEN,
«Egemen Qazaqstan»
