Atalǵan saıabaqta «Uly dala ulandary» stellasy, «Bilim» alańy, «Jastar» qabilet ortalyǵy, «Kitap» eskertkishi jáne «Sahna» alańshasy bar. Atalǵan jobalar oblys ákiminiń tapsyrmasymen qysqa merzim ishinde paıdalanýǵa berilip otyr. Alleıa aýmaǵy retke keltirilip, qazirgi kezde qala turǵyndary men jastardyń serýendeıtin ortalyǵyna aınaldy. Sonymen qatar, munda «Wi-fi» jelisimen qamtamasyz etilgen zamanaýı oryndyqtar qoıylǵan.
Jańa ashylǵan «Jastar» alleıasyndaǵy «Mahabbat» buryshy da kópshiliktiń qyzyǵýshylyǵyn týdyrdy. Bul jerge ózara aıqasyp turǵan qos neke saqınasy bederlengen tórt zamanaýı sýburqaqtar ornatylyp, onyń ortasyna aqqý qusy beınelengen kompozısııa qoıylǵan. Alleıanyń uzyndyǵy 840 metr bolsa, jalpy aýmaǵy 6 gektar. Al alleıaǵa qoıylǵan LED ekran saıabaqtyń kórkin arttyryp tur. Budan bylaı jańa ortalyqta túrli mádenı sharalar uıymdastyrylyp turady.
Hamıt Esaman,
«Egemen Qazagstan»
Jambyl oblysy
