Promoýterlik saýdada jeńiske jetken Shúmenovtiń promoýteri Don Kıng osy jekpe-jekti Qazaqstanda ótkizýge qulshynyp otyr. Eger bizdiń memleket tarapynan qoldaý bolsa, bul báseke mamyr aıynda ótedi dep josparlanýda. Esterińizge sala keteıik, óziniń sońǵy jekpe-jegin qandasymyz byltyrǵy jyldyń 7 shildesinde Astanada ótkizip, Germanııada turyp jatqan túrik boksshysy Hıznı Altynqaıdy nokaýtqa jibergen.
1987 jyly Armenııada týyp-ósken Arsen Gýlamırıan keıinnen Fransııanyń azamattyǵyn aldy. 2011 jyldan beri kásipqoı rıngte kúsh synasyp júrge ol sol aralyqta 24 kezdesý ótkizip, barlyǵynda jeńiske jetti. 16 básekeni merziminen buryn aıaqtady. Sońǵy aıqasyn byltyrǵy jyldyń 20 qazanda avstralııalyq Mark Flenagendi toǵyzynshy raýndta esinen tandyrdy.
35 jastaǵy Shymkent qalasynyń týmasy Beıbit Shúmenov 2007 jyldan beri kásipqoılar arasynda judyryqtasyp júr. Sol aralyqta 20 kezdesý ótkizip, 18 ret jeńis toıyn toılady. 12 qarsylasyn esinen tandyrdy.
Ǵalym SÚLEIMEN,
«Egemen Qazaqstan»
