Tańertemen qala ákimi Jaqsylyq Omar bastaǵan, oqaly shapan kıgen aqsaqaldar qostaǵan shaǵyn top shahar irgesindegi Sheshek asýy mańyndaǵy bulaq basyna jınaldy. Qur jınalǵan joq, babalardan qalǵan baǵlan dástúrimiz «bulaq kózin ashý» rásimin qaıta jandandyryp, qoldaryna kúrek alyp, tumanyń kózin ashty. Bulaq basyna jıylǵan jurt aqsaqaldyń bergen batasynan keıin tuma sýynan dám tatty. «Babalarymyz ár kóktem saıyn Naýryz merekesinde jabylyp qalǵan bulaq kózderin ashyp, sýynan dám tatqan. Halqymyzda «Bulaq kórseń, kózin ash» degen tamasha sóz bar. Osy dástúrdi jyl saıyn jalǵastyryp, jabylyp qalǵan bulaq kózderin ashyp otyrý oıymyzda bar. Bulaqtyń mańyn abattandyryp, oryndyqtar ornatamyz», - deıdi bulaq basyna ulttyq kıimmen kelgen qala ákimi J.Omar.
Oblys ortalyǵynda Naýryz merekesi jyl saıyn toılanǵanymen «bulaq kózin ashý» rásimi kópten beri ótkizilmegenin aıtady aqsaqaldar. «О́skemende ǵana emes, oblysta osyndaı rásim jasaldy degendi estimeppin. Bul – jaqsy úrdis. Igi bastama. О́ńirimizdiń ár aımaǵynda qoldaý tabady dep oılaımyn», - deıdi О́skemen qalalyq aqsaqaldar keńesiniń tóraǵasy, Kúrshim, Tarbaǵataı, Katonqaraǵaı aýdandarynyń Qurmetti azamaty Saılaýhan Aýhadıev.
Azamat QASYM,
Egemen Qazaqstan»
О́SKEMEN
