Bıylǵy Naýryz merekesiniń ereksheligi sol, qalanyń qaq ortasyndaǵy alańǵa Elbasynyń «Uly dalanyń jeti qyry» maqalasy aıasynda alańǵa 7 kıiz úı tigildi. «Bizdiń ýnıversıtettiń kıiz úıi uly Abaı esimin ulyqtaýǵa arnaldy. Osy jerge aqynnyń Semeıdegi mýzeıinde turǵan oryndyǵy maket túrinde kelýshiler nazaryna usynyldy. Danyshpannyń jazǵan kitaptary da sórege qoıyldy. Ártúrli ulttyq jádigerlerimiz de kıiz úı tórinen oryn aldy. Bıyl aqpan aıynda Polshanyń Sveche qalasyndaǵy Lıngvıstıkalyq-tehnıkalyq ýnıversıteti bazasynda Abaı atyndaǵy jastardyń ǵylymı-bilim berý ortalyǵyn ashqan bolatynbyz. Mundaǵy maqsatymyz – qazaqstandyq jáne polıak jastaryn Abaı shyǵarmalarymen, aqyn týǵan topyraqpen, Shyǵys Qazaqstannyń ózge de dańqty tulǵalarymen tanystyrý edi. Erekshe aıtqymyz keletini, Erasyl Muhambetqalıev degen stýdentimiz Polshada ashylǵan osy ortalyqta «50+50» degen kitabyn shyǵardy. Ondaǵy aqparattyń 50-i Qazaqstanǵa, qalǵany Polshaǵa arnalǵan», - deıdi S.Amanjolov atyndaǵy Shyǵys Qazaqstan memlekettik ýnıversıtetiniń rektory Muhtar Ádilbekuly.
Azamat QASYM,
«Egemen Qazaqstan»
О́SKEMEN
