Bul kezdesý ulttyq qurama jáne jańadan taǵaıyndalǵan bas bapker Mıhal Bılek úshin resmı kezdesýdegi alǵashqy oıyny edi. Iаǵnı, fýtbolshylar men jańa jattyqtyrýshynyń naǵyz synalatyn sáti. 2019 jyldyń basynda bas bapker bolyp taǵaıyndalǵan cheh mamany aqpan aıynda Túrkııada Moldova quramasyna qarsy joldastyq kezdesý ótkizip, ulttyq qurama fýtbolshylaryn bir tekserip alǵan-dy. Bılek elimizdiń bas quramasyn buǵan deıin basqarǵan jattyqtyrýshylarǵa qaraǵanda az ýaqyttyń ishinde resmı kezdesý ótkizse de, TOP-50 quramanyń qataryndaǵy komandany jeńdi.
Shotlandııaǵa qarsy kezdesý aldynda Mıhal Bılek jýrnalıstermen tildeskende fýtbolshylar jankúıerlerge tosyn syı daıyndap jatqanyn aıtqan edi. «Biz Shotlandııa quramasynyń Ulttar lıgasyndaǵy birneshe oıynyn kórdik. Jınaqy komanda ekenin, dopty óz aımaǵynan shabýylshylarǵa jyldam jetkizetinin baıqadym. Degenmen, erteń bizdiń jigitter jankúıerlerge tosyn syı daıyndaýda».
Match aldynda Qazaqstan quramasynyń oıynshylar tizimi shyǵysymen eks-bas bapker Stoılovtyń kezinde kóbine qosalqy quramda otyrǵan birneshe fýtbolshyny baıqadyq. Qaqpany qorǵaý «Ordabasy» qaqpashysy Dmıtrıı Nepogodovqa senip tapsyrylsa, ortalyq qorǵaýshy bolyp taǵy bir Shymkent komandasynyń oıynshysy Temirlan Erlanov shyqty. Sonymen qatar sol qaptaldaǵy qorǵaýshy retinde «Qaırat» oıynshysy Iаn Vorogovskıı ornalasty. Al jartylaı qorǵanysta Nıderlandynyń «Herakles» klýbynda oınaıtyn Aleksandr Merkel men «Astana» fýtbolshysy Iýrıı Persýh ta birinshi mınýttan bastap negizgi quramda shyqty. Qalǵan fýtbolshylar buǵan deıin de negizgi quramda shyǵyp júrgen bolatyn. Shotlandııaǵa qarsy oıynda Temirlan Erlanov ulttyq quramadaǵy debıýt matchyn ótkizse, Aleksandr Merkel araǵa tórt jyl salyp ulttyq quramaǵa qaıta oraldy. Bir qyzyǵy, Shotlandııa quramasyn jeńýge biz esimin ataǵan fýtbolshylardyń septigi kóp boldy.
Matchtyń alǵashqy 5 mınýtynda eki qurama da bir-birin alystan baıqasyp júrdi. Al oıynnyń 6-mınýtynda otandastarymyzdyń alǵashqy shabýyly birden golǵa aınaldy. Aleksandr Merkeldiń áýelete asyrǵan dobyna birinshi Iýrıı Persýh jetip, esepti ashty. Esepte alǵa shyqqan qazaqstandyq oıynshylar 27 myń jankúıerler jınalǵan «Astana Arenada» óte senimdi qımyldaı bastady. Kezdesýdiń 10-mınýtynda Islambek Qýattan pas alǵan Iаn Vorogovskıı quramamyzdyń ekinshi golyn soǵyp, jankúıerlerdi bir jelpindirip tastady. Bul goldan keıin fýtbolshylarymyzdyń jeńiske degen umtylysy arta túsip, qorǵanys pen shabýylda sátti oıyn kórsete bastady.
Kezdeýdiń ekinshi taımy da alǵashqy bólimniń ssenarııimen bastaldy. Ekinshi taımnyń 6-mınýtynda, al jalpy kezdesýdiń 51-mınýtynda Baqtıer Zaınýtdınov Qazaqstan quramasynyń oıyndaǵy úshinshi golyn soqty. Zaınýtdınovqa nátıjeli pas asyrǵan Ǵafýrjan Súıimbaev ekenin aıta keteıik. Úshinshi goldan keıin Shotlandııa quramasy oıyn tizginin óz qolyna alatyn shyǵar dep oılaǵanbyz. Biraq bizdiń fýtbolshylar óz pozısııasynda óte saýatty oınap, qarsylastardyń adymyn ashtyrmady. Nátıjesinde, kezdesý 3:0 esebimen Qazaqstan quramasynyń jeńisimen aıaqtaldy.
«I» tobynda synǵa túsip jatqan Qazaqstan-Shotlandııa quramasynyń kezdesýi aıaqtala salysymen Kıpr men San-Marıno arasyndaǵy match bastaldy. Bul oıynda Kıpr fýtbolshylary 5:0 esebimen jeńiske jetti. Al bizdiń toptyń úzdikteri sanalǵan Belgııa men Reseı fýtbolshylary Brıýsselde kezdesti. FIFA reıtınginde kósh bastap turǵan Belgııa atalǵan matchta 3:1 esebimen soltústiktegi kórshimizdi jeńip ketti.
«Chempıonat» saıty Qazaqstannyń Shotlandııa quramasyn jeńgenin sensasııaǵa baǵalap, bizdiń quramaǵa tańǵalǵandaryn jazady. Sondaı-aq Reseı quramasynyń bas bapkeri Stanıslav Cherchesov úshin Qazaqstanǵa qarsy oıyn 2018 jylǵy álem chempıonatynan keıingi eń mańyzdy kezdesý bolmaq deıdi. Al aty álemge áıgili Eurosport basylymy qazaqstandyq fýtbolshylarynyń Shotlandııa qaqpasyna soqqan goldary adamǵa naǵyz estetıkalyq lázzat syılady degen materıal jarııalady.
Álı BITО́RE,
«Egemen Qazaqstan»
